Gleðileg fucking jól!

Núna erum við búin að rústa þessari hótelíbúð hérna í miðbænum sem við höfum til umráða. Aðallega vegna þess að verðandi frú Kreppa opnaði kjólaverksmiðju hérna fyrir jólin. Ég aftur á móti opnaði verksmiðju sem heldur efnahag þessa guðsvoðlaðalands á flot, með því að tæma nokkrar flöskur af rauðvíni á dag. Og eftir þessar síðustu hækkanir á áfengi verð ég vonsvikinn eg ég fæ ekki Fálkaorðuna um áramótin fyrir þá innspýtingu sem ég er að veita inn í Íslenskt efnahagslíf...

Annars snéri ég hér aftur á bloggið bara til þess að þakka fyrir árið sem var að líða og til að óska ykkur öllum gleðilegra jóla og farsæls nýs árs og allra þessara lummulegu klisja sem fólk sem þolir ekki hvort annað segir samt til þess að reyna að þykjast almennilegt. Reyndar keypti ég jólakveðju hjá ruv sem hljóðaði: Óska ykkur fuckings jóla og óvinum mínum fótbrots og dauða.

Hún var því miður ritskoðuð. Best ég sendi Ástþóri mail og biðji hann um að fara í þetta mál, hann er víst óvinur ritskoðunar númer eitt...

Farinn að halda áfram að sulla í mig víni og horfa á verðandi frú Kreppu vinna. Svo ég dragi saman mál mitt í eina setningu að lokum:

Jólin

Kreppumaður.


Nú verður sko sukkað!

Góðir tímar framundan.  Við erum búin að taka lán upp á 2.4 milljónir á hvert mannsbarn og auðvitað ætla ég að eyða mínum hluta í sukk og svínarí.  Kaupa mér allskyns óþarfa og hella ofan í mig rauðvíni af bestur gerð, beint af stút því að ég mun ekki nenna að opna pakkningarnar utan af kristalglösunum  sem ég mun auðvitað kaupa.  Hef líka heyrt að maður geti fengið blýeitrun af því að drekka úr kristal.  Var að reikna það út (bara fyrir þig Jenný) að fyrir þessa summu sem ég hef verið skuldsettur fyrir (og hlýtur að berast mér í formi ávísunar fljótlega) geti ég keypt einar 2500 flöskur af rauðvíni.  Ef ég drekk tvær á dag, þá get ég verið fullur í 1250 daga eða nákvæmlega þangað til ég verð fertugur.  Og hvað gerist þá?  Jú afmælispartí og meira vín. Ríkið verður eflaust búið að taka fleiri neyslulán til að halda þjóðinni góðri.  Brauð og leikar.

mbl.is Mjög erfiðir tímar framundan
Tilkynna um óviðeigandi tengingu við frétt

Veröld ný og góð

Mig kvíðir fyrir því að snúa til Reykjavíkur í nóvember, jafnvel þótt að það verði bara nokkra daga stopp.  Tilgangurinn með ferðinni er að sjá ættingja og vini, sérstaklega son minn enda er ég búinn að lofa honum að spilla með dekri.  Svo var líka planið að heimsækja nokkur uppáhalds veitingahús og sjá Hart í Bak, uppáhalds leikritið mitt eftir Jökul Jakobsson sem ég þekki bara af bók.  Það leikrit á reyndar talsvert erindi til Íslendinga á þessum síðustu og dekkstu tímum enda fjallar það um skipbrot bæði hugsjóna og einstaklinga.  En ég er ekki vissum að ég muni njóta dvalarinnar.  Í höfuðborginni er víst fólk niðurlúkt af kreppu og kreppu tali og ég veit að ég mun ekki njóta þess að sitja á veitingarstað eins og einhver svikull auðmaður og drekka tuttuguþúsund króna kampavín, vitandi af þúsundum atvinnulausra og biðröðum fyrir utan Mæðrastyrksnefnd.

Ég veit að það er af mjög eigingjörnum hvötum sem ég óska eftir því að Íslendingar standi nú saman og losi sig við það samfélag sem við búum við sem er spillt af græðgi og vinahagsmunum.  Þar sem óhæfir menn fá að vaða uppi og aðstoða frændur til þess að græða sem mest.  Mér er sama hvernig verður farið að því.  Með byltingu, kosningum, með því að ríkistjórnin skipti um leiðtoga en sitji enn.  Það skiptir mig ekki máli.  Helst vil ég þó að við göngum í Noreg ef þeir vilja okkur.  Það eina sem ég fer fram á eru breytingar svo ég geti notið þess að vera ástfanginn og áhyggjulaus og synt föðurhlutverkinu og haldið áfram að eyða peningum í mat og vín, án þess að þurfa að óttast það að afkoma mín sé ótrygg vegna þess að enga vinnu verður að fá, þurfi ég aftur að stunda reglubundna launa vinnu.  Þjóðfélagið hefur lengi verið öllum nema auðmönnum fjandsamlegt, því þarf að breyta og það strax.  Helst fyrir 7. nóvember svo ég geti skálað við verðandi frú Kreppu í dýru kampavíni án þess að fá samviskubit.


mbl.is Stjórnmálin biðu hnekki
Tilkynna um óviðeigandi tengingu við frétt

Ég borga ekki heldur neitt

Ef Geir mætti ráða mundi hann ekki borga Bretum neitt.  Þar fékk hann plús í kladdann hjá mér og ég ætla að fylgja fordæmi hans og neita að borga yfirdráttaheimildina mína hjá Kaupþing eða hvað sá banki heitir.  Og nú bölva ég því að vera búinn með námslánin, því að ég hefði ekki borgað þau.  Ég ætla aldrei oftar að borga neina reikninga.  Ég get ekki borið ábyrgð á eyðslu minni og nenni því ekki.  Það er hvort eð er búið að stimpla mig óreiðumann og drepa mannorð mitt í útlöndum svo það er best að reyna að hagnast eitthvað örlítið á því.  Svona sem sjálfteknar skaðabætur.  Djöfull er vont að ég skuldi svona lítið!

mbl.is Við munum ekki láta kúga okkur
Tilkynna um óviðeigandi tengingu við frétt

Hljóðmengun enn og aftur

Það sem mér fannst alltaf best við Guns N´Roses var að ég hélt að þeir væru allir dauðir eða svo dópaðir að ekkert mundi heyrast framar frá þessari ofmetnustu og leiðinlegustu hljómsveit allra tíma.  Helvítis framhaldsskóla árin fóru í að hlusta á þetta návæl í bílskrjóð sem vinur minn átti (hann hafði einfaldan tónlistarsmekk, bara Guns N´Roses) þangað til ég tók einu sinni kassettuna og fleygði henni út um gluggann.  Þá ríkti þögn.  Og nú er þessi viðbjóður snúinn aftur úr gröf sinni engum til gangs, sérstaklega ekki mér og þessum gamla vini mínum, nú stræka ég á það að heimsækja hann í fimm ár.

mbl.is Guns N' Roses og lýðræði Kína
Tilkynna um óviðeigandi tengingu við frétt

Fundir í Helvíti

Einu sinni vann ég nánast við það að funda.  Ég sótti stundum þrjá fundi á dag, aldrei minna enn einn.  Og gerði ekkert nema að ræða sömu málefnin aftur og aftur án þess að finna lausn á nokkrum vanda.  Það var samt ekki það versta, það verst var að þessu fylgdi stanslaust kaffiþamb og sandköku át.  Enda var ég orðinn á þessu tímabili útlimagrannur með framstandandi maga, svona eins og soltið barn í Afríku.  Auk þess sem þessum lifnaðarhætti fylgdi suð fyrir eyrum (sökum endalaus málæðis í fólki) krampi í höndina á því að rita fundagerðir og vindverkir af slæmri (engri) næringu því að ég lifði næstum alfarið á kaffi og þurrum kökum.  Þess vegna vorkenni ég núna ráðamönnum þjóðarinnar og þeim sem eru að reyna að bjarga því sem bjargað verður.  Þeir eru orðnir munnvatnslausir af kjaftæði, með útblásinn maga og bauga undir augunum og eflaust kemur svo ekkert út úr öllum þessum fundum.  Ég man ekki eftir því að hafa setið neinn fund þar sem skynsamleg niðurstaða náðist.

mbl.is Áfram fundað á morgun
Tilkynna um óviðeigandi tengingu við frétt

Norðmenn koma!

Nú ætla bræður okkar í Noregi að senda okkur knörr drekkhlaðið af mjög og öli.  Það er það sem við þurfum fyrir veturinn áður en það fer að snjóa og betlandi lýðurinn heldur í hópum til Skálholts að reyna að snapa sér súrsaðan blóðmörskepp eða skorpu af rúgbrauði.  En það er betra að þiggja þessa ölmusu frá Norðmönnum en að ganga enn og aftur undir Dani.  Þá fengjum við ekki neitt og hætt er við að ennþá fleiri yrðu úti á leiðinni til biskups.

mbl.is Funda með ríkisstjórn á morgun
Tilkynna um óviðeigandi tengingu við frétt

Brátt get ég sungið klámvísur

Ef ég kynni eitthvað í Latínu mundi ég eflaust liggja yfir þessum vef og þá sérstaklega drykkjusöngvunum.  Hvað er skemmtilegra en að vera einn fullur heima hjá sé, tónandi dónalegar limrur á Latínu?   Eða ég gæti sungið til elskunnar minnar miðalda ástarsöngva sem hún  mundi ekki botna neitt í.  En fyrst og fremst mundi nördið í mér fá nóg að gera.  Þetta eru einhver rúmlega 7000 handrit og eflaust öll uppfull af kynvillu munka og fólgnum leyndardómum.  Ég yrði ekki lengi að halda í leiðangur að leita hins helga kaleiks.

mbl.is Handritin á netið
Tilkynna um óviðeigandi tengingu við frétt

Klámbíóið England

Fyrir okkur Íslendinga er England farið að verða eins og klámmynd.  Bannað innan 18 ára og maður þarf að framvísa skilríkjum við komuna því til staðfestingar.  Þannig ættu Íslendingar líka að um gangast England, eins og klámbíó, hleypa bara svæsnustu pervertunum þangað.  Þeir geta þá fengið Steingrím Njálsson, Geira á Goldfinger og aðra subbu karaktera og haft af þeim sama leiða og við.  Þá eru þeir heldur ekki að þvælast um aðgerðalausir í kreppunni, engum til góðs.

mbl.is England – bannað innan átján
Tilkynna um óviðeigandi tengingu við frétt

Þegar ég braust inn

Ég skreið nú einu sinni hálfnakinn inn um þakgluggarigningarnótt í ágúst til þess að komast á fund stúlku.  Hafði klöngrast upp brunastiga og skriðið yfir flughált bárujárnsþak með þeim afleiðingum að skyrtan mín var í henglum og dembdi mér svo inn um opinn glugga. Man að ég lenti á maganum á baðherbergisgólfinu hjá henni og fattaði þá fyrst að hugsanlega gæti hún haft gest hjá sér eða jafnvel ekki verið heima.   Var  svo að vandræðast með það hvað ég ætti að gera þegar mér varð litið á hilluna hjá baðspeglinum og sá að þar voru engin ilmvötn eða smyrsl eins og hjá ungum stúlkum.  Bara rakvél og oldspice.  Þegar ég ætlaði mér að fara út aftur náði ég ekki upp í gluggann, þurfti að hoppa nokkrum sinnum til þess að ná taki og geta híft mig upp.  Það tókst eftir nokkrar örvæntingafullar tilraunir.  Svo skreið ég í helli dembu á næsta glugga sem var lokaður og læstur.  Það tók mig langa stund að berja á hann þangað til stúlkan opnaði og spurði mig pirruð hvort ég ætlaði að gera henni þá skömm að liggja dauður í hlandportinu fyrir framan húsið um morguninn.  Svo hleypti hún mér inn.  Ég hef ekki séð hana lengi núna...

mbl.is Nakinn þjófur fastur í reykháfi
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband