Nú verða fluttir fordómar!

Og við sendum verðuga fulltrúa út til þess að tapa fyrir Slövum í Serbavisíon.  Strípupar dauðans!  Þau eiga eftir að dansa sig út úr þessari keppni á nótæm.  Skil ekki hvers vegna við erum að taka þátt í þessari keppni?  Lögin sem send eru inn í forkeppnina eru annað hvort grín frá gömlum rokkhundum eða þá svo mikil froða að það lekur gröftur úr eyrunum á mér bara við það eitt að ímynda mér hvernig þau hljóma!  (Ójá, ég fylgist ekki með svona forkeppnum.)  Enda hefur mér ekki verið boðið í júróvisíon partý síðan 1999 þegar ég bölvaði svo mikið að hommarnir sem héldu partýið roðnuðu (en bölvuðu sjálfir yfirleitt eins og sjómenn) og báðu mig um að fara áður en þeir óhörðnuðu sem voru í samkvæminu mundu hringja í foreldra sína til þess að láta ná í sig!  Og fyrst við erum að fara að tapa í balkanvisíon hvers vegna töpum við þá ekki með stæl?  Býð mig fram til að syngja (laglaus og falskur) Stál og hnífur eða bara hvað sem er, það yrði þó alla veganna súrelískt fyndið.  Er farinn að drekkja sorgum mínum yfir því að hundrað þúsund mannsgreiddu atkvæði í þessari keppni. 

Eurobandið fer til Serbíu

Athugasemdir

[Dark Side, 24.2.2008 kl. 02:14]

Það er í tísku þessi afsökun með austantjaldsþjóðirnar. Við ættum að líta í eigin barm og hugleiða hvað við erum að senda út.

[Ragga (IP-tala skráð) 24.2.2008 kl. 11:27]

Þetta lag er skelfilegt, en þau eru það svo sem yfirleitt þessi júróvisjón.

[Kreppumaður, 24.2.2008 kl. 14:19]

Við ættum að hunsa þessa keppni.  Halda eina litla með Færeyingum og Dönum.  Við mundum þá alltaf komast á verðlaunabekk.