Brátt verður júróvisíón alla daga

Gekk um í miðbænum áður en ég fór og keypti kjúkling í metnaðarlausa eldamennsku.  Ótrúlega milt og fallegt veður enda talsvert af fólki í bænum.  Gekk kringum tjörnina og lét mig hlakka til þess þegar það kemur vor.  Þessi vetur er búinn að vera langur og dimmur og hreint út sagt tilbreytingarlaus og leiðinlegur.  Held að ég sé reyndar með smá snert af skammdegisóþoli sem liti skoðanir mínar á veðurfari og færð.  Og dimmu.  En hver er það ekki á þessum útnára næst Norðurpólnum?  Held að það séu fáir sem finnst janúar vera skemmtilegur mánuður og hlakka til komu hans allt árið?  Kannski einhverjir sem eru á uppáskrifðum gleðipillum og brosa hringinn, líka í jarðskjálftum, snjóflóðum og öðrum hamförum sem dynja á viðkomandi.  Kannski það ætti bara að skilda alla Íslendinga til þess að taka svona pillur?  Held ekki, við yrðum þá öll eins.  Hoppandi kát, syngjandi gleðisöngva.  Þá væru alla daga júróvisión!  

Athugasemdir

[zazou (IP-tala skráð) 24.2.2008 kl. 19:07]

'Skammdegisóþol'

Stimpillaust orð miðað við skammdegisþunglyndi.

[Kreppumaður, 24.2.2008 kl. 19:58]

Ég skammast mín ekkert fyrir að vera haldinn mörgum óþolum.  Flest þeirra tengjast samt fólki, einhverja hluta vegna?  Kannski það sé eitthvað að mér?