Dularfull gjöf

Þegar ég kom heim upp úr átta í kvöld sá ég að í póstkassanum mínum var brúnt umslag sem aðeins nafnið mitt hafði verið skrifað á.  Ekkert heimilisfang, ekkert frímerki.  Innihélt þessi pakki litla mynd, svona átta sinnum átta sentímetra, málaða með olíu á tré.  Myndefnið:  Nakin kona á svörtum grunni hendurnar útfrá líkamanum, lappirnar í sundur.  Svo hún myndar næstum x..  Tvær stjörnur fyrir aftan hana.  Og enginn orðsending, engin áletrun.  Það eina sem ég veit er að myndin er ekki eftir neinn þann listamann sem ég þekki.  Samt er hún ekki amatörslega gerði.  Og mér sýnist á áferðinni að yfir hana hafi verið lakkað. 

Myndefnið truflar mig.  Af hverju er einhver að senda mér nakta konu og stjörnur?  Er þetta grín?  Viðvörun?  Boðsmiði?  Þessi mynd á eftir að halda vöku fyrir mér í nótt nema að gefandinn komi fljótlega í ljós?

Athugasemdir

[Ragga (IP-tala skráð) 29.2.2008 kl. 15:29]

Ég er saklaus. Þetta er myndefni sem ég myndi varla taka fyrir.

[Kreppumaður, 29.2.2008 kl. 17:19]

Þú varst fljótt útilokuð þar sem ég efast um að þú vitir hvar ég bý núna.  Enda líka svo nýfluttur að ég er ekki einu sinni búinn að skipta um lögheimili!  Sem gerir þessa gjöf enn dularfyllri.