Heimurinn er miðaldra í dag

Suma daga er heimurinn nýr þegar maður vaknar.  Fullur af furðum og nýjum hlutum til þess að dáðst að og njóta.  Að samaskapi koma stundum dagar þar sem heimurinn er gamall og úldinn, angandi af stöðnu þvagi. Dagurinn í dag er hvorugt.  Bara svona dagur.  Allt miðaldra.  Það fylgir því að fara seint að sofa og vakna snemma.  Í dag mun ég ekki uppgötva neitt nýtt.  Í dag mun ekkert henda mig sem fær hjartað í mér til þess að slá örar.  Í dag mun ekkert koma mér á óvart.  Það verður bara gott að komast heim og láta tímann líða yfir bók.  Þetta er svona dagur þar sem ég hef ekkert að segja.  Alla veganna ennþá. 

Athugasemdir

[Lárus Gabríel Guðmundsson, 6.3.2008 kl. 01:04]

Að samaskapi koma stundum dagar þar sem heimurinn er gamall og úldinn, angandi af stöðnu þvagi.

Óborganlegt kæri vinur, hreint út sagt.........

[Kreppumaður, 6.3.2008 kl. 01:06]

Heimurinn er stundum eitt hlandport.  Og ekkert við því að gera?