Hún hvetur mig til dáða

Það er alltaf svo gaman þegar frægt fólk sendir frá sér yfirlýsingar sem fá óbrotinn almúgamann eins og mig til þess að hugsa um það að breyta um lífstíl og hætta að djamma.  Já, nú er ég hættur.  Alla veganna eina helgi.  Nenni ekki að fara á troðfulla skemmtistaði þar sem fólk öskrar á mig á kókaíni.  Nenni ekki þessum innihaldslausu samræðum við fólk sem skiptir mig ekki máli.  Nei, nú verður það bara ég og sjónvarpið um helgar.  Engin samskipti lengur við fólk sem vill strjúka á mér andlitið því að það er troðfullt af e-i.  En mér skilst að systir mín sé að koma til landsins á morgunn til þess að vera við jarðarför á þriðjudaginn.  Það breytir öllum mínum plönum.  Hún vill örugglega fara með mér út til þess, eins og hún orðar það svo oft, vera skáldlega drukkinn og bitur með mér.  Svo ég fresta bindindinu um eina helgi eða ár!

 

Hætt að djamma

Athugasemdir

[zazou (IP-tala skráð) 5.3.2008 kl. 15:07]

Hún Lili (never heard of her) segir að það geti tekið á að húka heima.

Þú verður flottur svona:

http://www.thewallanalysis.com/Pictures/MovieShots/FullSizeShots/Tigers1-5.JPG

[Kreppumaður, 5.3.2008 kl. 15:16]

Þessi mynd er ekki svo ólík mörgum kvöldum hérna?  Bara í stað blámans frá tv-inu, er það ljósið frá kjöltutölvunni, eitt kerti og glas af víni.  Maður er svo bundinn í viðjar vanans.

[Sigríður Hafsteinsdóttir, 6.3.2008 kl. 00:13]

Hello..hello...hello... is there anybody in there? Alltaf gaman að kíkja í heimsókn á bloggið þitt, það verður nú bara að segjast... Annars er ég einmitt eins og Lilly, hangi bara heima yfir lélegri sjónvarpsdagskrá, eða kíki á youtube til að finna mér afþreyingu...

Þetta fræga fólk sem vill bara æpa á mann, fullt af kóki, það verður þreytt til lengdar..

[Kreppumaður, 6.3.2008 kl. 00:17]

Nei, maður, frægi bandaríski vinur minn sem er alltaf á kóki (en er núna í usa) verður bara þreyttur þegar hann fer að sveifla hnífum í kringum sig.  (Smá neimdropp fyrir Heiðu).  Ég vildi að hann væri hér að reyna að fylla mig á milli þess sem hann otar að mér hníf!