Helvítisfjöfulsinsandskotans...

Helvítin þeir Leppur, Skreppur og Leiðindaskjóða eru komnir heim og aftur búnir að opna út á svalir með glæpamennina svörtu á hæsta.  Núna duga engir rauðvínstappar ef ég á að getað sofnað um eitt og mætt til vinnu á morgunn!  Nú þarf ég að fara að henda flöskum í þessa herramenn.  Af hverju þurftu atvinnuleysingjar og ógæfu unglingar um þrítugt að leigja íbúðina fyrir neðan mig um síðustu mánaðarmótt.  Og hver leigir tveimur útúr sukkuðum drengjum íbúð?  Nema að það sé planið að láta dópista lækka fasteignaverð hérna?  Það væri eftir öllu.  Það væri mín gæfa alltaf hreint.  Ég er að hugsa um að láta heitt vatn í skúringarfötuna og skvetta niður á næstu svalir.  Vonandi er útidyrahurðin hjá mér sterkbyggð?  Við komumst að því í nótt?

Athugasemdir

[Jenný Anna Baldursdóttir, 13.3.2008 kl. 00:15]

Sendi þér baráttukveðjur, hef heldur betur lent í sama.

Fyrrverandi íbúi á Laugavegi fluttur upp fyrir snjólínu í leit að friði.

[Kreppumaður, 13.3.2008 kl. 00:33]

Ég fann frið.  Ég sagðist vinna hjá félagsþjónustunni í 101.  Þá fóru þeir inn og slökktu á öllu.  Ég hafði drykkjupeninga þeirra í hendi minni.

[Erna, 13.3.2008 kl. 00:57]

Þú hefðir nú frekar átt að nota rauðvínstappana í eyrun .En þetta er ekki nógu gott, eru ekki til reglur um að það sé bannað að hafa hávaða og læti eftir vissan tíma á kvöldin? Hvað með þinn rétt ?Hefurðu látið reyna á það ? ótrúlegt að fólk geti vaðið svona uppi með hávaða og læti. Hvað segir lögreglan við svonalöguðu.Vona að þú náir góðum svefni.Góða nótt.

[Heiða B. Heiðars, 13.3.2008 kl. 00:58]

Og hvað...sofa þeir þá eins og ungabörn núna?

[Kreppumaður, 13.3.2008 kl. 01:10]

Þeir eru hræddir um að framfærslustyrkurinn verði tekinn af þeim.  Þeir liggja skjálfandi í faðmlögum eflaust.  Gott að hafa próf í félagsvísindum þegar svona stendur á.

[Heiða B. Heiðars, 13.3.2008 kl. 01:14]

Alveg lágmark að pakkið sem heldur fyrir manni vöku hafi almennilegan tónlistarsmekk!

[Kreppumaður, 13.3.2008 kl. 01:16]

Sjáðu björtu hliðarnar, öll lögin um opinbera þjónustu sem ég þurfti að læra komu loksins að gagni!!!!

[Heiða B. Heiðars, 13.3.2008 kl. 01:22]

Ég veit þá hvert ég leita ef hún á efri hæðinni hjá mér heldur fyrir mér vöku með leiðinlegri tónlist... Æi annars, hún er saksóknari held ég, myndi líklega toppa alla þína lagakunnáttu.

[Kreppumaður, 13.3.2008 kl. 01:39]

Þá held ég mig fjarri eða kem og tala ensku og segist vera doktor í lögum frá Oxford.  Ég gæti komist upp með það?