Minn staður í veröldinni

Ég er einn af þeim sem skrifa oft Kilroy was here!  Þessa áletrun með rithönd minni má finna á jafn ólíkum stöðum og Rómverskufornleyfum, fyrir ofan klósett á skemmtistöðum, á Gotneskri dómkirkju, veggjum allra þeirra húsa sem ég hef búið í, allra þeirra opinbergustaða sem ég hef heimsótt starfa minna vegna, á leiði Franz Kafka, fyrir ofan stubbahúsið á Hlemmi.  Fyrir mér er þetta ekki vandalismi.  Ég er einfaldlega að lýsa því yfir að á einhverjum tímapunkti hafi viðkomandi staður, verið minn í þessari veröld.  En ekki með réttu nafni, heldur eins og á þessu bloggi, nafnleysingi, eins og sultardropinn í verki Hamsunds.  Og þegar ég yfirgef staðinn, hvort sem hann er bar í Evrópu eða útisundklefi í Laugardalslaug, þá er hann á einhvern hátt orðinn minn!  Staður sem aðrir geta heimsótt en ekki eignast því að helvítið hann Kilroy, þessi kunni nafnleysingi sem eru mörg hundruð þúsund manneskjur, hefur verið þar á undan honum og á einhvern hátt gert hann að stað sem aðrir geta ekki eignast.  Með þessari setningu finnst mér ég því geta stolið stöðum frá þeim sem á eftir koma, þannig að hlutdeild þeirra í þeim verður lítil sem engin.  Þetta er ekki bara viðleitni´mín til þess að eigna mér eitthvert smá pláss í síminnkandi heimi, þetta er viðleitni til þess að eignast heiminn allan!

Athugasemdir

[Kilroy (IP-tala skráð) 13.3.2008 kl. 18:39]

Kilroy was here.

[Kreppumaður, 13.3.2008 kl. 18:45]

Læt þig hafa lykilorðið og þú sérð um að halda þessari síðu úti!  Er það ekki [e-mail]?

[Lárus Gabríel Guðmundsson, 14.3.2008 kl. 22:04]

af hverju ekki bara að skrifa .

nei það vekur líklega ekki nægilega athygli.......

[Kreppumaður, 15.3.2008 kl. 16:11]

Hehehe... Skriftir vekja sjaldan athygli.  Gaman að sjá að þú ert kominn aftur!