Kreppublogg

18.3.2008 | 20:31

Miklar vinsældir mínar

Skoðaði eitt hundrað blogg af vinsældalista mbl.is. 95 af þessum hundrað eru þannig að viðkomandi hengir sig alltaf við fréttir, aldrei neitt sem kemur að fyrra bragði frá eigin brjósti. Hin fimm voru stundum að hengja sig við fréttir. En jafn sjaldan kom eitthvað frumlegt eða gáfulegt frá þeim. Bara skoðanir á dægurmálum. Og fáir af þessum bloggurum höfðu eitthvað á valdi sínu sem kallast gæti íslenska eða stíll. Flestir þumbuðust í sama frásagnarhættinum án þess að bregða fyrir sér frumlegum líkingum eða líkingum yfir höfuð. Ég er farinn að endurskoða veru mína hérna. Mér líður eins og læsum manni í landi hinna dvd-sinnuðu. Sem aldrei hafa séð bók. Það eru of fáir sem skrifa án þess að nota Britney Spears sem hækju og þegar þeir skrifa um hana er það ekkert frumlegt: hún er í tjóni, þessi stúlka! Hefur fólk fokking ekkert annað að segja? Núna opna ég aðra flösku eða fer á barinn eða hengi mig af vanlíðan fyrir að vera í þessum félagsskap. (Það eru þó svona fimm eða sex bloggara sem eru ekki svona grunnir á þessu bloggi og þeir flestir kommenta hjá mér reglulega). Hafi þökk fyrir félagskapinn hingað til.

Flokkur: Bloggar | Facebook

Athugasemdir

Já, þau eru ansi kjánaleg oft fréttabloggin og bæta yfirleitt ekki neinu við fréttina þó að vissulega séu undantekningar, en þetta er vel þekkt trix hjá sumum að hengja sig alltaf við fréttir til að hífa sig upp í vinsældum...heldur klént.

SeeingRed, 18.3.2008 kl. 20:48

Undergroundið lifir. Það er betra að hanga í kjallaranum með reipi um hálsinn (eins og Ian Curtis) en að vera Elton John!

Kreppumaður, 18.3.2008 kl. 20:49

Hey! Vogaðu þér ekki að fara!! Núna veistu amk afhverju ég kem alltaf hingað:)

Heiða B. Heiðars, 18.3.2008 kl. 21:49

.....og ekki hengja þig heldur

Heiða B. Heiðars, 18.3.2008 kl. 21:50

Lofa engu. En ég kann ágætlega við það að vera utangarðsmaður á þessu fréttabloggi. En þá er það spurning hvort ég vilji vera hérna eða hafi eitthvað lengur að segja? Það er annað mál. Sjáum til?

Kreppumaður, 18.3.2008 kl. 21:52

það er nefnilega það! Kíki stundum hingað inn og les þín háfleygu og stílfærðu skrif mér til ánægju og yndisauka. Eða þannig!

Vona að þú farir nú ekki að hengja þig, en hef smá áhyggjur af öllu rauðvíninu sem þú virðist vera að drekkja þér í.

kveðja Ofurskutlan

Guðbjörg Erlingsdóttir (IP-tala skráð) 18.3.2008 kl. 23:53

Ef þú hefur áhyggjur af rauðvíndrykkju, reiknaðu þá út hvað forstöðumaður hefur efni á því að drekka margar flöskur á mánuði án þess að vera með yfirdrátt í milljón. Þær eru ekki eins margar og koma fram á þessu bloggi, nema að hann bruggi!

Kreppumaður, 19.3.2008 kl. 00:07

Forstöðumaður? Er hann að drukkna?

Guðbjörg Erlingsdóttir (IP-tala skráð) 19.3.2008 kl. 00:25

Nei. Ætli maður þurfi ekki að vera nokkuð skýr í hausnum flesta daga. Þú þarft ekki að búast við því að ég verði skjólstæðingur þinn (las líka þitt blogg) alla veganna ekki á næstunni!

Kreppumaður, 19.3.2008 kl. 00:28

Þú meinar það, nei, nei átti ekki von á því, mínir skjólstæðingar eru ekkert í rauðvínssulli. Finnst reyndar ekkert að skýrleika þínum!

Guðbjörg Erlingsdóttir (IP-tala skráð) 19.3.2008 kl. 00:33

Var heldur ekkert að finna að rauðvíninu!

Guðbjörg Erlingsdóttir (IP-tala skráð) 19.3.2008 kl. 00:42

Nei þeir eru eflaust í kókinu. Of dýrt fyrir forstöðumenn.

Kreppumaður, 19.3.2008 kl. 00:43

Þá bara kóka kóla! Hafa varla efni á öðru kóki, eru nefnilega ekki hálfdrættingar á við forstöðumenn.

Kveð að sinni, lít við hjá þér ef ég er á ferðinni!

Lifðu heill!

Guðbjörg Erlingsdóttir (IP-tala skráð) 19.3.2008 kl. 00:50

Ég lifi heill, takk fyrir innlitið Guðbjörg.