Tíðindalaust af tónlistavígstöðvunum

Var kominn á fremsta hlunn með að fara niður og athuga hvort að strákarnir fyrir neðan mig hefðu nokkuð fargað sér í einhverri gleðinni en þá heyrðist það - blessað rappið!  Og allt er núna eins og það á að vera hérna.  Hávaði sem minnir á endaloka heimsins, berst frá neðri hæðinni og hérna uppi sit ég bitur eins og spámaður á fjallstind sem veit að mönnunum er ekki ætlað að lifa af í þessum heimi nema þeir finni guð og láti af eftirsókn í hégóma og prjál.  En þar sem ég er frekar latur spámaður læt ég mér nægja að bölva bara tíðarandanum, jeppum, ruslahaugnum fyrir utan sameiginlega dyr okkar sem búum hérna (pokafjall sem að mér sýnist geymir aðallega bjórdokkur og pizzubakka) og því hvað góða bækur eru sjaldfundnar.  Ég er samt sáttur við það að allt er eins og það á að vera!

 

Athugasemdir

[Bara Steini, 19.3.2008 kl. 17:14]

Hahahaha það einmitt fátt verra en hvítir litlir ghettostrákar með græjur. Mæli með að hækka bara á móti með alíslenskri sjómanna/harmonikku musick... Þeir hljóta að lúffa á endanum.

[Jenný Anna Baldursdóttir, 19.3.2008 kl. 17:15]

Nostalgíuhorror heltekur mig við lestur þessa pistils.  Gott að minna sig á hversu heppin hægt er að vera, sko m.t.t. þess að vera laus úr miðbæjardæminu.  Man eftir háum haugum af svörtum ruslapokum sem innihéldu nema hvað:

Pizzikassa og bjórdollur og lyktin var unaður

Að búa fyrir ofan snjólínu er allt í einu orðinn sjarmerandi kostur.

[Kreppumaður, 19.3.2008 kl. 17:18]

Steini, ég er búinn að reyna allt, meira að segja að hafa ryksuguna í gangi án þess að vera að nota hana.  Þeir blasta bara hærra!

Jenny:  Það er snjólína á plastpokafjallinu og ég ætla að verða fyrstur manna til þess að klífa það og reisa þar Íslenska fánann.  Mín verður minnst sem hetju sem þoldi súrefnisleysið í ógnarhæð!

[Bara Steini, 19.3.2008 kl. 17:21]

Úúúúúfff þetta er semsagt harðkjarna 101 hörkutól... Hmmm... Þá hreinlega stend ég á gati.

En ekki lumar þú á einhverju ráði með einmitt okkar sameigninlega ruslapokavandamál...

[Kreppumaður, 19.3.2008 kl. 17:24]

Nefna pokafjallið og fá það sett á landakort sem kennileiti.  Svo geturðu leyft bændum að senda kindur á fjallið.  Þær munu éta sig niður á nokkrum árum.

[Heiða B. Heiðars, 19.3.2008 kl. 17:37]

....og af því að þú ert svo Pollýönnu-glaður gætirðu glaðst yfir því að ruslið sé þó í pokum;)

[Kreppumaður, 19.3.2008 kl. 17:54]

Nú skellti ég uppúr. 

Jú er hamingju samur yfir hugulsemi nágranna minna.  Þeir eru í guðatölu.  Ég hef það á tilfinningunni að þeir muni ekki fara út með ruslið fyrr en eftir páska?  Og hvílíkt rusl, þeir eru væntanlega að taka til.

[Heiða B. Heiðars, 19.3.2008 kl. 17:59]

Þér er nær að riðjast inn á mitt blogg með gleðilátum! Sé þig fyrir mér sem frekar þunglyndislegan montrass og svona óvænt gleðilæti rugla bara myndina! 

[Kreppumaður, 19.3.2008 kl. 18:13]

Skal aftur fara að vera þunglyndur og bitur hrokagikkur.  Það er hlutverk sem ég kann utanbókar.