Vaknað alltof snemma

Vaknaði klukkan 6.35 við sms: hæ, sæta hvað ertu að gera?  Langaði að senda til baka: telja bringuhárin foli!  En hætti við, var ekki vissum að drukkinn og sætuþyrstur kynbróðir minn hefði húmor fyrir því svona í morgunsárið.  Var samt í augnablik svo glaðvaknaður að ég fór að lesa.  Sofnaði samt ofan í bókina bara til þess að vakna skömmu síðar við skarkala og læti niðri.  Þó ekki rapptónlist, frekar einsog einhver dytti.  Þegar ég fór í þvottahúsið komst ég að því hvað hafði valdið hávaðanum.  Einhver hafði dottið um sorpfjallið með þeim afleiðingum að stigapallurinn er eins og snjóflóð af tómum bjórdósum.  Ekki falleg sjón og lyktin eins og á subbulegum bar þar sem bjórklístruð gólf eru aldrei skúruð.  Ég er að hugsa um að ræða við strákana á neðrihæðinni seinna í dag og spyrja þá hvort að þeir bíði þess að húsið verði innsiglað af heilbrigðiseftirlitinu eða hvort að þeir ætli að losa sig við draslið. 

Athugasemdir

[Heiða B. Heiðars, 21.3.2008 kl. 15:03]

Úps! Verður klárlega eitthvað erfiðara að finna pollýönnuna á þetta!

[Kreppumaður, 21.3.2008 kl. 15:05]

Ef hún er hreingerningarkona þá er hún velkomin að þrífa eftir þessa sóða!

[Heiða B. Heiðars, 21.3.2008 kl. 15:13]

Ef hún væri hreingerningarkona þá þekkti ég hana mun betur

[Kreppumaður, 21.3.2008 kl. 15:16]

Ég er að hugsa um að finna dósasafnara og benda honum/henni á fjársjóðinn, þá hverfur allt nema 37 pizzubakkar.

[Heiða B. Heiðars, 21.3.2008 kl. 15:17]

Er ekki hægt að gera díl við svona dósasafnara? Ef þú losar mig við 37 pizzakassa þá.....

[Kreppumaður, 21.3.2008 kl. 15:21]

Færðu lykil að útidyrahurðinni og getur komið vikulega og hirt 400 dósir?

[Heiða B. Heiðars, 21.3.2008 kl. 15:21]

Ef ég væri dósasafnari myndi ég stökkva á tilboðið

[Kreppumaður, 21.3.2008 kl. 15:23]

Þetta er hörku díll!

[Heiða B. Heiðars, 21.3.2008 kl. 15:26]

Ég veit! Er að vega og meta hvort ég ætti ekki bara að segja upp vinnunni minni!

[Heiða B. Heiðars, 21.3.2008 kl. 15:27]

Þú ert skemmtilegur

[Kreppumaður, 21.3.2008 kl. 15:29]

16000 dósir á mánuði, það er rúmlega 16000kall!  Getur meira að segja lagt til hliðar.

[Heiða B. Heiðars, 21.3.2008 kl. 15:31]

Jebb...gæti lagt mig til hliðar í einhverjum bakgarði. Er þinn laus?

[Kreppumaður, 21.3.2008 kl. 15:32]

Það er því miður enginn garður.  Annars væri hann eflaust fullur af dósum og drasli, þá mundu þeir henda dósunum og pizzubökkunum beint af svölunum niður í garð.

[Heiða B. Heiðars, 21.3.2008 kl. 15:36]

Held að ég verði að gefa þetta frá mér... sé ekki alveg fyrir mér að ástarjátningar hljómi vel með stórum svörtum ruslapokum og latex hönskum.... tja, kannski hönskunum en pottþétt ekki pokunum

[Kreppumaður, 21.3.2008 kl. 15:38]

Rimpaðu ástarjátningunni frá og komdu síðan að safna dósum.  Skal tæma úr eins og einum bjór fyrir þig sem bónus.

[Heiða B. Heiðars, 21.3.2008 kl. 15:46]

Er enn að reyna að finna út hvernig ég er betur sett ef þú tæmir bjórinn!! Ástarjátningin fauk út út um gluggann... hef ákveðið að vera bara frjálslegt "slut" og halda mér í minni skuldbindingafóbíu... miklu einfaldara.

[Kreppumaður, 21.3.2008 kl. 15:57]

Skuldbindingafóbía getur verið smitandi.  Þess vegna er ég í sóttkví.

Einn bjór=11 krónur!  Gróði þar.

[Heiða B. Heiðars, 21.3.2008 kl. 16:03]

Ég er svo lélegur kapítalisti! Eina sem komst að hjá mér var að mér þætti í lagi að þú hefðir eina dós í hrúgunni fulla!
Ég ætla líka að vera í sótthví

[Kreppumaður, 21.3.2008 kl. 16:05]

Maður gefur ekki dósasöfnurum bjór.  Það á ekki við.  Það er svona eins og að borga sjómönnum með veiðafærum.  Þeir éta þau ekki?

[Heiða B. Heiðars, 21.3.2008 kl. 16:10]

Djö...langar mig samt allt í einu í bjór! Ég sem drekk ekki bjór! Hætt við að vera í sóttkví og farin út að fá mér einn ískaldan!! Hvar er opið?

[Kreppumaður, 21.3.2008 kl. 16:25]

Það er alls staðar opið.  Bjórinn flýtur niður Laugaveginn í þessum skrifuðu orðum.