Föstudagurinn langi

Í dag er dagur þar sem fólk á að vera rólegt.  Njóta þess að vera með sínum nánustu eða eitt og kanna sínar innri lendur.  Ekki æða af stað í leit að partýi eða djammi, frekar njóta þess að komast að því í rólegheitunum hvað það vill og langar að gera.  Ég ætla að liggja í bókahrúgu og elda svo góðan mat (afþakkaði boð foreldra minna um að borða með þeim, geri það á sunnudaginn í staðinn) og njóta þess að ekkert mun trufla mig.  Góð tónlist, og friðarstemning.  Í besta falli göngutúr út í 10-11 að kaupa mér nammi.  Eitthvað sem ég geri ekki mikið af því að láta ofan í mig. 

Man að þessi dagur var í barnæsku minni þannig að ég fékk ekki einu sinni að hlusta á popptónlist.  Mátti ekki leika mér í stríðsleikjum.  Og hann var alveg tvöfalt lengur að líða en aðrir dagar.  Ég vona að hann verði jafn lengi að líða í dag og þá.  Mér veitir ekki af degi til þess að tæma hugann og safna orku. 

Athugasemdir

[Heiða B. Heiðars, 21.3.2008 kl. 15:12]

Ég ætla að eyða honum í stríðsleik við mig...  hætti ekki fyrr en ég viðurkenni fyrir mér að það sé barasta allt í þessu fína að segja sæta manninum að ég sé skotin í honum...... eða soldið skotin í honum..... eða finnist hann fínn? eða eitthvað

[Kreppumaður, 21.3.2008 kl. 15:14]

Gvuð!  Ætlarðu að vera með svona yfirlýsingar á helgidegi!  Þessir kirkjudagar fokka upp í öllu eðlilegu fólki!

[Heiða B. Heiðars, 21.3.2008 kl. 15:15]

Nauts! Heldurðu að ég kunni mig ekki maður!! Helgidagurinn fer í að þræta við mig.......

[Kreppumaður, 21.3.2008 kl. 15:19]

Betra en þessar bækur sem ég var að sanka að mér, biturleikinn lekur af hverri síður.  Það hafa fleirri verið krossfestir en Kristur, samkvæmt þeim.

[Heiða B. Heiðars, 21.3.2008 kl. 15:20]

Ferðu ekki beinustu leið til helvítis fyrir að lesa um annarra manna krossfestingar á degi krossfestingarinnnar?

[Kreppumaður, 21.3.2008 kl. 15:24]

Mér skilst að ég sé þegar í helvíti.  Fer bara á neðra plan samkvæmt Dante.

[Heiða B. Heiðars, 21.3.2008 kl. 15:25]

Úff Dante!!! Þá er nú fjörugra að eiga við sjálfan sig í smá tilvistarkreppu!

[Kreppumaður, 21.3.2008 kl. 15:27]

Enda tilvistarkreppur vanmetinn lífstíll.

[Heiða B. Heiðars, 21.3.2008 kl. 15:34]

Eina kreppan sem ég vildi ekki vera án

[Kreppumaður, 21.3.2008 kl. 15:37]

Það væri vont ef allt væri alltaf í lagi.  Mundi ekki kunna að höndla þannig líf. 

[Heiða B. Heiðars, 21.3.2008 kl. 15:48]

Held að maður þurfi ekkert að hafa áhyggjur af því að það verði allt alltaf í lagi!! Get barasta ekki ímyndað mér að það sé möguleiki.... "eitthvað að" er alltaf þarna bara einni hugsun til hægri...

[Kreppumaður, 21.3.2008 kl. 15:58]

Einmitt.  Og þú varst að taka þá ákvörðun að vera frjálslynt ,,slut" það eykur á kreppuna, hvernig þú sérð þig sjálf.  Sem slut.  Úff, ég er kominn í vinnuna á þessum helga degi. 

[Heiða B. Heiðars, 21.3.2008 kl. 16:08]

Nei..sé mig sko ekkert sem slut.... amk ekki svona slut sem fólk sér fyrir sér út frá orðinu... En miðað við vinkonurnar sem eru giftar með sjö krakka og skilja ekkert í því hvernig ég get lifað lífinu eins og ég geri... þá er ég slut :) Mér finnst það fínt hlutskipti.

[Kreppumaður, 21.3.2008 kl. 16:26]

Ein ráðsett vinkona mín lítur á mig sem einhverja Íslenska útgáfu af Sade greifa og Don Juan.  En henni finnst allir sem hafa verið með fleirrum en þremur, vera lausgirtir.