Enn eitt teknókvöldið runnið upp!

Hið nánast daglega partý er byrjað á hæðinni fyrir neðan með amfetamínteknói.  Ég ætla ekki að láta það fara í taugarnar á mér í kvöld og ekki að láta það hrekja mig úr kastalanum mínum.  Sem betur fer er ég á hæðinni fyrir ofan.  Hef tvisvar búið fyrir neðan skemmtanaótt fólk og það var martröð.  Þá heyrir maður í hverjum einasta pinnahæl, hvert einasta aðdáunar hróp þegar bassinn verður úberkúl.  Þá er ekki möguleiki að gera neitt nema finna sér skjóla á bar sem er með lágværari tónlist.  Núna þarf ég þess ekki, þótt að Mozart greið nái ekki að yfirgnæfa nema verstu taktana.  Svo er þetta timburhús svo að stundum nötra veggirnir.  Ég læt bara eins og það sé dómsdagur í nánd og fyrr en síðar muni þetta taka enda og húsið hrynja og allir sem í því eru grafast undir í rústunum.  Er að hugsa um að vakna snemma á morgunn og ryksuga stigaganginn.  Svona uppúr sjö. 

Athugasemdir

[Heiða B. Heiðars, 21.3.2008 kl. 22:19]

Eina leiðin til að ég sé vakandi klukkan 7 er að ég sé ekki enn farin að sofa

[Kreppumaður, 21.3.2008 kl. 22:20]

Það er planið til þess að angra þessa þrjóta.  Nema að partýið þeirra verði ennþá ekki búið að ná klæmaxi þá, það eru nú einu sinni páskar.

[Heiða B. Heiðars, 21.3.2008 kl. 22:21]

...og ef það er amfetamín með afmetamín teknóinu þá gæti það dregist

[Kreppumaður, 21.3.2008 kl. 22:23]

Ég óttast að halda til vinnu á þriðjudaginn með síðustu partýgestunum! 

[Heiða B. Heiðars, 21.3.2008 kl. 22:26]

úff... þetta hljómar náttúrulega súper-depressing!!

[Kreppumaður, 21.3.2008 kl. 22:42]

Best að örvænta ekki strax.  Kannski hleypur liðið á barinn um miðnætti og kemur ekki aftur.

[Heiða B. Heiðars, 22.3.2008 kl. 00:21]

Mínir nágrannar eru að spila Portishead

[Kreppumaður, 22.3.2008 kl. 00:23]

Mínir nágrannar eru farnir.  Ljúfir tónar frá rúv allsráðandi.  Loksins.  Er hættur við að ryksuga klukkan sjö í fyrramálið.

[Heiða B. Heiðars, 22.3.2008 kl. 00:24]

Ljúfu tónarnir frá Portishead fá mig til að muna eftir öðrum sætum manni... eins gott að ég sleppti ástarjátningunum í dag!!

[Kreppumaður, 22.3.2008 kl. 00:27]

Kræst, þú ert farin að vera óhuglega líka manni sem ég örlítið kannast við, sem lætur eitthvað úr fortíðinni eyðileggja mögulega framtíð.  Það á að vera til spítali fyrir svona fólk.

[Heiða B. Heiðars, 22.3.2008 kl. 00:29]

Það er til spítali fyrir svona fólk!! Einn heitir Ölstofan....

[Heiða B. Heiðars, 22.3.2008 kl. 00:31]

Næst þegar við erum þar á sama tíma ætla ég að kaupa handa þér bjór og við getum kvartað ofan í öl saman :)

[Kreppumaður, 22.3.2008 kl. 00:32]

Ég fékk heimfaraleyfi í kvöld.  Ætli það séu batamerki?

[Heiða B. Heiðars, 22.3.2008 kl. 00:33]

Haha....ekkert endilega. Hugsanlegt að staffið þurfi bara frí frá þér

[Kreppumaður, 22.3.2008 kl. 00:34]

Gæti verið, þau voru orðin hálf þreytuleg síðast þegar ég var þarna.  Best að ég gefi þeim frí í nokkra daga.  Eða lengur.  Er orðinn hálf þreyttur á þessum stað sem og öðrum.

[Heiða B. Heiðars, 22.3.2008 kl. 00:36]

Já... ég ætla ekki þangað í bráð! Allavega ekki í kvöld.. pottþétt ekki á morgun eða hinn....

[Heiða B. Heiðars, 22.3.2008 kl. 00:37]

Kommentakerfið þitt er orðið eins og msn

[Kreppumaður, 22.3.2008 kl. 00:39]

Ég vona að ég haldi það út að fara ekkert um helgina.  Er orðinn úttaugaður af samskiptum undir áhrifum.  Og svo er það ekki gott afspurnar að vera 2-3 daga í viku á djamminu. 

Já, kommentakerfið er eins og msn sem maður var á í gamladaga þegar maður tengdist netinu í gegnum símann og allt var svo hægt.

[Kreppumaður, 22.3.2008 kl. 00:40]

En ég kaupi mér eflaust rauðvín á morgunn.  Byrgðir búnar.

[Heiða B. Heiðars, 22.3.2008 kl. 00:42]

Líka slæmt svona heilsulega séð... ég byði ekki í mig restina af vikunni ef ég væri timbruð marga daga eins og í gær! Afréttari margar daga í viku er víst ávísun á heilsuhælið upp í Grafarvogi...hef ég heyrt

Já og innhringidótið... fyndið. Eitthvað svo gamaldags en samt ekki svo gamalt

[Heiða B. Heiðars, 22.3.2008 kl. 00:43]

Hahaha núna hló ég upphátt! Ég þarf líka að versla á morgun... páskabirgðirnar horfnar

[Kreppumaður, 22.3.2008 kl. 00:45]

Kannski sjáumst við í ríkinu eða á þessu heilsuhæli en ég verð að viðurkenna að mig langar ekkert þangað, alla vegna ekki strax.  Þá fyrst yrði ég eins og persóna í dægurlagi eftir Megas.

Það eru ekki nema svona 5-6 ár síðan maður brúkaði síman á netið.  En þá var maður ekki svona netóður líka.

[Heiða B. Heiðars, 22.3.2008 kl. 00:46]

Hefur sýnst að við séum nánast nágrannar... .verslum eflaust í sömu vínbúð :)

[Kreppumaður, 22.3.2008 kl. 00:49]

Það er svo gæfulegt fólk sem býr í 101.  Og verst er að ég þekki orðið eina fraukuna sem afgreiðir í ÁTVR með nafni.  Hún heilsar mér á götu. 

[Heiða B. Heiðars, 22.3.2008 kl. 00:51]

Lít á þetta sem viðvörun... framvegis mun ég forðast að horfast í augu við fólk sem afgreiðir mig í ÁTVR!! Mér finnst alveg nóg að barþjónar, dyraverðir og þjónar þekki mig úti á götu

[Kreppumaður, 22.3.2008 kl. 00:54]

Kannski ég smakki við tækifæri þetta vatn sem ég hef svo oft heyrt talað um?

[Heiða B. Heiðars, 22.3.2008 kl. 00:56]

Hahaha...  ég drekk ógrynni af því og það hefur ekki eyðilagt fyrir mér rauðvínsupplifunina ennþá :)

Farin á koddann.... þetta endalausa tjatt okkar í kommentakerfinu er farið að vekja upp spurningar... bíða mín tvö email þar sem spurt er um þessi samskipti :) Ætla að hafa gaman af þvi að svara þeim

[Kreppumaður, 22.3.2008 kl. 00:58]

Hahaha,,,

Gvöð ekki er deitið þitt orðið afbrýðissamt út í nafnlausan mann sem er svo huglaus að hann þorir ekki að blogga undir nafni og mynd? 

Segðu vitleysu.  Þegar fólk spyr furðulega, þá á það skilið ennþá furðulegri svör.

[Heiða B. Heiðars, 22.3.2008 kl. 01:00]

Nei ekki hann.... við erum að tala um nánast bláókunnugt fólk. Mér er nær að gefa upp emailið mitt á blogginu;)

Svara þeim af sömu alvöru og þau eiga skilið;)

[Kreppumaður, 22.3.2008 kl. 01:02]

Ertu að segja að bláókunnugt fólk hafi áhuga/áhyggjur af spjalli okkar í kommentakerfinu?  Einhverju spjalli sem er lítið meira en brandarar og tilraunir okkar til þess að vera fyndin og sniðug?  Nú skil ég það þegar fólk hleraði í sveitasímann þegar ég var í sveit af því að það var sjónvarpslaust í júlí!

[Heiða B. Heiðars, 22.3.2008 kl. 01:07]

Ekki alveg bláókunnugt... en svona nánast.

Í fyrri póstinum er ég krafin svara um það hver þú ert... sagðist ekki hafa glóru. Því var ekki trúað á þeim forsendum að ég myndi aldrei daðra svona opinskátt við mann sem ég vissi ekki hver væri!! Ég er ekkert feimin við að viðurkenna það þegar ég daðra en ég neita alveg að þurfa að sannfæra fólk um að ég sé ekki að því!
Seinni pósturinn snérist um hvað væri "eiginlega í gangi á milli okkar"

Hahaha ég elska fólk! Svo ótrúlega "pathetic" stundum

[Kreppumaður, 22.3.2008 kl. 01:09]

Nú er mér svo skemmt að ég á eftir að sofa með risa bros.  Það er ótrúlegt hvað fólk nennir að slúðra og velta sér uppúr?  Ef þú værir karlmaður eða ég kona, og okkur þættum við ofboðslega fyndin, heldurðu að þú hefðir fengið maila um það hvort þú værir að verða kynvillingur?

[Heiða B. Heiðars, 22.3.2008 kl. 01:12]

Ég veit ekki.... kannski :)
En við sofnum allavega bæði skælbrosandi í kvöld... en í sitthvoru lagi svo það sé alveg á hreinu :)

Æi þetta er bara til að hafa gaman að því... hef nóg af öðru stöffi til að pirra mig á

[Kreppumaður, 22.3.2008 kl. 01:12]

Segðu að ég sé Guðbergur Bergsson að undir búa nýja skáldsögu með þessu bloggi. 

[Kreppumaður, 22.3.2008 kl. 01:14]

Hef það á tilfinningunni að ef þú ferð að pirrast á mér, þá fái ég að heyra það.

[Heiða B. Heiðars, 22.3.2008 kl. 01:16]

Ha? Áttu við að ég geti ekki falið pirring? Það er reyndar rétt... en ég get ekki ímyndað mér að ég pirrist á þér.. ég þekki þig ekkert og hérna á blogginu ertu barasta alveg eins og ég vil hafa þig

[Kreppumaður, 22.3.2008 kl. 01:17]

Þess vegna skrifum við smælingjarnir.  Til að öðrum líði betur með líf sitt.

[Heiða B. Heiðars, 22.3.2008 kl. 01:19]

...og nú eru kommentin á þessari færslu orðin svo mörg að hún ætti í rauninni að vera komin í "heitar umræður" á blogginu :) 

Væri nú soldið fyndið að hafa þessi samskipti á forsíðu mbl.is :)

[Kreppumaður, 22.3.2008 kl. 01:21]

Já mar.  Stefán Fr. mun brátt blogga um það að ástin hafi tekið öll völd í bloggheimum á milli okkar 101 rauðvínsdrykkjufólksins og búast megi við stormasömu sambandi sem verður allt jafnóðum sett fyrir augu lesenda.

[Heiða B. Heiðars, 22.3.2008 kl. 01:23]

Arg! Nú sofna ég skellihlægjandi!! Þarna er ástarsagan komin sem þú myndir skrifa ef þú skrifaðir ástarsögur!!

[Heiða B. Heiðars, 22.3.2008 kl. 01:24]

....bara til þess að vera viss um að Stefán Fr. verði ekki ástarsöguritarinn þinn.... né minn!! Please!

[Kreppumaður, 22.3.2008 kl. 01:25]

Heldurðu að ég mundi hleypa manni án humors inn fyrir mínar dyr?  Aldrei.  Og allra síst til að leyfa honum að stílfæra ævi mína.

[Heiða B. Heiðars, 22.3.2008 kl. 01:26]

Vissi að ég gæti treyst á þig! Enda annar helmingurinn í ástarsögunni minni :) Góða nótt

[Kreppumaður, 22.3.2008 kl. 01:27]

Góða nótt.