Fer að finna mér hauskúpu

Mér skilst að það sé nýjasta trendið að vera með hauskúpur sem öskubakka?  Og þar sem ég er forfallinn tískuþræll og reykingarmaður verð ég að eignast eina slíka!  Bara verð.  Ég er búinn að finna mér vasaljós og skóflu og það er orðið dimmt.  Núna vantar mig bara kroppinbak sem aðstoðarmann.  Hann verður helst að klæðast kufli og kalla mig meistara.  Áhugasamir umsækjendur eiga að mæta með ferilskrá sem inniheldur meðal annars stærð á kryppu og meðmæli frá fyrrum skuggalegum vinnuveitendum (gott ef þeir bæru ættarnöfn eins og Frankenstein eða Dracula), við kirkjugarðshliðið við Suðurgötu á miðnætti.  Í boði er spennandi starf þar sem viðkomandi mun hitta líflegt fólk.  Engin föst laun eru í boði en viðkomandi mun fá  saggafullt og óvistlegt herbergi í niðurgröfnum kjallara til afnota.  Þær rottur sem þangað kunna að slæðast teljast sem bónus fyrir vel unninn mokstursstörf.

Athugasemdir

[Heiða B. Heiðars, 24.3.2008 kl. 22:56]

líflegt fólk!?

[Kreppumaður, 24.3.2008 kl. 22:58]

Miða við suma sem ég þekki, þá er allt spriklandi af lífi í kirkjugörðum!

[Heiða B. Heiðars, 24.3.2008 kl. 23:21]

Sem minnir mig á það! Alltaf ætlað að finna einhvern sem þekkir vel til í kirkjugarðinum við Suðurgötu! Frábær söguheimild! Skilst að Hrafn Jökuls sé bestur í starfið en hann er orðinn sveitamaður!

[Kreppumaður, 24.3.2008 kl. 23:22]

Ég veit ekki neitt um það hver er grafinn þarna.  Vona samt að ég grafi ekki upp eitthvert nóbódí á eftir.  Best ef það væri gamalt skáld.  Eða prestur. 

[Heiða B. Heiðars, 24.3.2008 kl. 23:36]

Myndi nú frekar nota hausskúpuna úr skáldi sem pennastatíf...eða eitthvað þess háttar. Presturinn gæti frekar dugað sem..... eitthvað annað

[Kreppumaður, 24.3.2008 kl. 23:40]

Hauskúpa af presti yrði fín til að halda ógreiddum reikningum niðri.  En pennastatíf... Hver notar penna í dag?

[Heiða B. Heiðars, 25.3.2008 kl. 13:03]

Hva? Þarftu að aldrei að skrifa tossamiða? Eða krassa á meðan þú talar í símann?

[Kreppumaður, 25.3.2008 kl. 13:57]

Neibb.  Man allt sem ég þarf að muna.  Gleymi hin með góðri samvisku.