Um fisk, son og tuðruspark

Brátt fer ég að gefast upp hérna og held í helgarfrí.  Ég ætla að kaupa mér túnfisk á leiðinni heim.  Hef ekki borðað fisk í margar vikur og sakna þess að fá ekki góðan fisk.  Var reyndar að hugsa um öðruvísi fisk sem ég ætlaði að elda með eplum og karríi en er búinn að gleyma uppskriftinni (sem var eftir sjálfan mig) svo ég er fallinn frá því. 

Ég held mér hafi dottið fiskur í hug þegar ég hringdi í son minn.  Hann er gikkur á það sem syndir í djúpunum, þótt að hann hafi verið plataður til þess að setja eitt og annað að hans sögn, miður gott, inn fyrir sínar varir.  Nú er farið að styttast í að móðir hans fari sem fulltrúi Íslendinga í þessar myndlistaþrælabúðir og drengurinn verði hjá mér í tvær vikur.  Generalprufa fyrir haustið.  Hann heldur að það verði frí að koma hingað en gamli kennarinn er vaknaður í mér og ég ætla að sjá til þess að hér verði ekkert gert nema lært og lesið.  Punktur.  Og jú, enski boltinn og botnlaus óregla á laugadögum.  Af þeim sem ég horfi á fótbolta með finnst mér skemmtilegast að horfa á fótbolta með syni mínum.  Sérstaklega ef við förum á bar saman.  Þá segir hann alltaf sama brandarann: ef þú deyrð þá er ég of lítill til þess að bera þig heim ennþá!

Athugasemdir

[gerður rósa gunnarsdóttir, 29.3.2008 kl. 18:40]

Nei, þú fórst að hugsa um túnfisk af því að ég keypti heilt kíló af niðursoðnum túnfisk daginn áður en þú skrifaðir þetta. Ég læt nefnilega fólk hugsa hitt og þetta. Nota bloggið sem dáleiðslumiðil.

Anyways: UPPSKRIFT hvað? Warst það ekki þú sjálfur sem skrifaðir comment varðandi júslessness uppskrifta? Dattstu úr kharakter?

[Kreppumaður, 29.3.2008 kl. 18:43]

Vá hvað hlutir sem maður gerir og man ekki eftir skríða svo bakdyra megin inn í undirmeðvitundina.  Blogg er greinlega stórhættulegur áróðursmiðill.  Ekki skrifa neitt um rauðkál, plís, mér finnst það svo vont.

[gerður rósa gunnarsdóttir, 31.3.2008 kl. 17:02]

Þú fattar ekki. Ég skrifaði ekkert um túnfisk. Ég keypti bara túnfisk. Kíló afonum. Sem ég hef aldrei gert áður. Dáleiðsluferlið felst í því sem ekki er skrifað. Því sem liggur óskrifað á milli línanna.
Ég skrifaði mjög nýlega um rauðrófur, er það í lagi? Tyggjó?

[Kreppumaður, 31.3.2008 kl. 17:21]

Finnst rauðrófusúpa ágæt.  Tyggjó vont.  Vona að ég fari ekki að smjatta á því, nema auðvitað nikótíntyggjói þegar ég hætti að reykja.