Millistríðsárin mín

Og svo allt í einu þögn.  Og nú veit ég hvernig hermönnunum í fyrriheimstyrjöldinni leið ellefta nóvember, ellefu mínútur yfir ellefu þegar byssurnar þögnuðu og þeim var tilkynnt að martröðinni væri loksins lokið.  Þeir voru ringlaðir og hissa.  Engar drunur, engir titrandi veggir í skotgröfum.  Bara þögn og svo allt í einu í fjarska, lítill fugl sem kvakar.  En þeir vissu ekki það sem ég veit.  Að á eftir fyrri heimstyrjöldinni kom sú síðari, blóðugri, lengri og endaði á kjarnorkuárás.  Hef það á tilfinningunni að hún hefjist milli fjögur og fimm í nótt.  Horfði á eftir helvítis Pólverjunum og glyðrunum þeirra troða sér í tvo leigubíla með flöskur í poka.  Vonandi hafa þeir ruglast og sagt götuheiti í Varsjá og verða keyrðir þangað.  Nei, við erum eyja, þeir yrðu aldrei keyrðir lengra en út á Leifsstöð.  Ætla að nota tíman þangað til þeir snúa aftur eins og fólk notaði tíman á milli styrjalda.  Í bjartsýni, svo drykkju, loks kreppu og svo þunglyndi vegna yfirvofandi styrjaldar.  Ætla að lesa ævisögu Churchill til þess að undirbúa mig undir átök, á lofti, láði og legi.  Fokk hvað ég er svartsýnn núna!

 

Athugasemdir

[Ragga (IP-tala skráð) 29.3.2008 kl. 19:14]

Ætli þau hafi flúið Pavarotti?

[Kreppumaður, 29.3.2008 kl. 19:15]

Vonandi.  Þá er ég kominn með yfirhöndina og get skilið Pavarotti eftir á fullu á meðan ég held til vinnu.

[Ragga (IP-tala skráð) 29.3.2008 kl. 20:43]

Pínu skemmtileg tilhugsun, Pavarotti og rapp í sama húsinu.... á blasti.

[Kreppumaður, 29.3.2008 kl. 20:45]

En rappið er hljóðnað og ég rifja upp gömul kynni við The Smiths, þökk sé þér!  Ekki að það geri mig samkvæmishæfari en gaulið í Pavarotti.

[Ragga (IP-tala skráð) 29.3.2008 kl. 21:00]

Verði þér að því, Smiths eru góðir, mjög góðir á laugardagskvöldi og henta einstaklega vel þegar að maður þarf að skrifa, ég er enn í ritgerðasmíðum en í þetta skipti með Smiths í eyrum.

[Kreppumaður, 29.3.2008 kl. 21:06]

Er annars að hugsa um að skipta þeim út fyrir Style Council eða the Jam, hef ekki hlustað á þær sveitir lengi.  Gott að hanga í fortíðinni til svona ca 23.00

[Ragga (IP-tala skráð) 29.3.2008 kl. 21:08]

Heh, ég skipti reyndar yfir í the Cure, þökk sé öðru bloggi, svona er maður áhrifagjarn.

[Kreppumaður, 29.3.2008 kl. 21:09]

Ekki orð meira um þá annars ýfi ég á mér hárið og mála varirnar og fer að dansa abstrakt dansa í eldhúsinu!

[Ragga (IP-tala skráð) 29.3.2008 kl. 21:12]

það væri ég reyndar meira en lítið til í að sjá!

[Kreppumaður, 29.3.2008 kl. 21:19]

Held að það væri ekki fögur sjón.  Það fer ekki mönnum eftir þrítugt að mála sig!!!

[Ragga (IP-tala skráð) 29.3.2008 kl. 21:29]

Ég held það sama en fyndið gæti það orðið.

[Kreppumaður, 29.3.2008 kl. 21:43]

Varalitur og yfirvaraskegg eiga ekki saman.  Aldrei!

[Ragga (IP-tala skráð) 29.3.2008 kl. 21:47]

Mæli með dansi við 10:15 saturday night, það er viðeigandi þótt varaliturinn sé það kannski ekki, við yfirvaraskegg.

[Kreppumaður, 29.3.2008 kl. 21:50]

Eitt af mínum uppáhöldum þegar ég var 14-15!  Hef nú oft kyrjað það fullur!