Færsla full af klámi

Það hefur enginn látið mig hlaupa apríl í dag.  Sem er leitt því að ég hef endalaust gaman af því þegar ég er hafður að háði og spotti.  Vona að þessi skemmtilegi siður sé ekki að leggjast af manna á milli og verða bara eitthvað aumt grín í fjölmiðlum?

Annars ætla ég að horfa á mótmælin á Austurvelli á eftir.  Passar vel í vinnulokin að sjá reiðan múg standa með steytta hnefa fyrir framan Alþingishúsið.  Ég á ekki vona að ég endist lengi.  Er svo áhugalaus um samtíð mína að það hálfa væri nóg.

Í kvöld er ég að hugsa um að líta á leik í meistaradeildinni með félaga mínum, man.utd-Roma.  Alltaf góð ástæða að hittast undir þeim formerkjum að við megum ekki missa af einhverju tuðrusparki.  En það á samt alveg eftir að vera staðfest.  Eitthvað væl í þessum kennara að mega ekki fara seint að sofa vegna vinnu.  Hver var að tala um að fara seint að sofa, leikurinn er búinn hálf tíu.  Vonandi finnst honum það ekki vera seint?  Það er vont ef félagar mínir eru orðnir meiri gamalmenni en ég.

Brátt fer ég að slútta þessu hérna og kalla vel og mikið unnið í dag.  Þótt að ég sé sjaldnast dómbær á eigin verk.   Fyrr en svo löngu síðan.  Ætli það eigi ekki við um fleiri?

Mér finnst yfirskriftin á þessari færslu mjög viðeigandi.  Hún var ekki um neitt.  Bara stöfum raðað saman svo þau mynda orð sem svo mynduðu innihaldsrýrar setningar.  Kannski örlitlar upplýsingar um það hvað þetta er hversdagslegur dagur og ég andlaus.  Og óþolandi lítið klámfenginn. 

Athugasemdir

[Heiða B. Heiðars, 1.4.2008 kl. 14:47]

Náðir mér hingað inn á fyrirsögninni! En það er nú líklega af því að ég er enn að jafna mig eftir æðisgengnar lýsingar moggabloggaraklámsins :)

[halkatla, 1.4.2008 kl. 14:55]

sorinn vægast sagt lekur af hverju orði 

[Kreppumaður, 1.4.2008 kl. 15:12]

Moggaklámið var kveikjan og ég vildi sjá hvaða fiskar mundu bíta á agnið!  Tveir í einu kasti hlýtur að teljast gott? 

[Ragga (IP-tala skráð) 1.4.2008 kl. 15:46]

Þú særir blygðunarkennd mína!

[Kreppumaður, 1.4.2008 kl. 16:15]

Það er nú tilgangur þessarar færslu.

[Heiða B. Heiðars, 1.4.2008 kl. 16:59]

Meiri erótík í þessari færslu en hjá klámbloggaranum :)

[Kreppumaður, 1.4.2008 kl. 17:05]

Ekki sammála.  Þar koma fram svo myndrænar lýsingar á samlífi fólks að ég tárast yfir fegurðinni.  Og hugmyndarauðginni.  Finnst samt ennþá best að augu hennar bunguðu þegar hann nuddaði unaðsreitinn mesta!  Maður þarf að vera fokkings stórskáld til þess að skrifa svona.

[Heiða B. Heiðars, 1.4.2008 kl. 17:07]

Ekki gleyma aðalatriðinu!! "Eins fast og hann gat" :)

[Kreppumaður, 1.4.2008 kl. 17:12]

Kannski var þetta saga um smíðar?  Og við erum að misskilja eitthvað?