Að skipta um starf

Mig klæjar í fingurna um að skipta um starf og helst starfsvettvang.  Eftir næstum 16 ára starf með fólki og hin síðari ár, yfirleitt mjög erfiðu fólki, er ég orðinn frekar leiður á þessu.  Og sé ekki að ég muni breyta heiminum eða lífi fólks neitt, sama þótt að ég ólmist eins og naut í flagi.  Það eina sem veldur því að ég er ekki að sækja um störf, vilt og galið, er að ég kann bara það sem ég er að gera.  Og ég get ekki séð að það sé mikið verið að leita eftir fólki með mína menntun eða starfsreynslu?  Nema ég vilji fara að skúra?  En lifir maður á því?  Æji ætli ég sé ekki dæmdur til þess að eyða þessu 31 ári sem er eftir áður en ég fer á eftirlaun í sama pex og alla daga?  Það er ekki beint uppörvandi tilhugsun? 

Athugasemdir

[gerður rósa gunnarsdóttir, 7.4.2008 kl. 19:36]

Leiður á fólki? Asnasveinn á Krít. Hvernig sándar það?

[Kreppumaður, 7.4.2008 kl. 20:02]

Þá mundi ég eignast vini við hæfi.

[Guðbjörg Erlingsdóttir (IP-tala skráð) 7.4.2008 kl. 20:08]

Eignast vini sagði hann ?

[Kreppumaður, 7.4.2008 kl. 20:14]

Held að okkur ösnunum kæmi mjög vel saman.

[Guðbjörg Erlingsdóttir (IP-tala skráð) 7.4.2008 kl. 20:22]

Gæti verið, held allavega að það væri ákveðin ró yfir því! Já... ég er á því, það er fínt vera asni !

[Kreppumaður, 7.4.2008 kl. 20:29]

Hvar ætli ég fái svona smalaprik til þess að æfa mig með áður en ég fer?

[Guðbjörg Erlingsdóttir (IP-tala skráð) 7.4.2008 kl. 20:36]

Veit ekki, en kannski hægt að fá svona montprik í betri herraverslunum. Gæti virkað, hvað heldurðu?

[Kreppumaður, 7.4.2008 kl. 20:56]

Held að það sé of fágað prik á asnaafturenda.

[gerður rósa gunnarsdóttir, 9.4.2008 kl. 13:59]

Ef þú reynir að nota prik á þá sparka þeir í þig við tækifæri.

[Kreppumaður, 9.4.2008 kl. 15:25]

Þetta lítur út fyrir að vera starf fyrir þrjóska menn sem læra aldrei af mistökunum.