Nýr lífstíll?

Tók þá ákvörðun að fara að hugsa betur um mig fyrst það er komið vor.  Fara að skokka aftur og synda og borða meira grænmeti á kostnað kjöts.  Ekki það að ég sé eitthvað með áhyggjur af því að vera að fitna, alltaf grannur eins og ljósastaur, heldur þarf ég að styrkja mig og fara að borða þannig að mér líði betur.  Ætti líka að íhuga að fara að leggja sígarettunum enn og aftur.  Alla veganna að reyna það.  Jafnvel þótt að það kosti pásur frá skemmtunum á meðan verstu fráhvörfin eru að ganga yfir.  Og fyrst ég er að hugsa um að taka mér pásu frá tóbaki, þá ætti ég jafnvel líka að prófa að minka kaffiþambið?  Áa alltaf nokkra pakka af tei þótt að ég sé latur við að drekka það.  En best að byrja á einu í einu.  Skokk á morgunn eftir vinnu! 

Athugasemdir

[Ragga (IP-tala skráð) 8.4.2008 kl. 18:39]

Spes, ég hefði næstum getað skrifa þetta sjálf. Eiginlega meira krípí heldur en spes.

[Kreppumaður, 8.4.2008 kl. 19:11]

Held að það sé vorkoman sem fær mann til þess að vilja vera meira helþí en baugóttur og timbraður...?

[Ragga (IP-tala skráð) 8.4.2008 kl. 19:18]

Það hefur pottþétt áhrif, maður verður svo fjári hress með hækkandi sólu.

[Kreppumaður, 8.4.2008 kl. 19:22]

Nánast manískur, gekk upp í Fossvog eftir vinnu og þaðan heim, alveg niður að miðju Reykjavíkur, það er smá rúntur bara til þess að drekka einn kaffibolla með mömmu.

[Guðbjörg Erlingsdóttir (IP-tala skráð) 8.4.2008 kl. 19:49]

Góður, lýst á þig! Stuðningur héðan, mun hvetja þig til dáða!

[Kreppumaður, 8.4.2008 kl. 20:01]

Sko, hef yfirleitt breytt um lífstíl á vorin og farið að hugsa aðeins betur um mig á kostnað óreglu og vesælddóms.  Enda möguleikar á fjölbreyttari skemmtun um leið og snjóa leysir og maður getur verið úti án þess að vera dúðaður í ísbjarnarfeld.