Þetta er ekki ég!

Ég ætlaði að vera rosalega fyndinn og skrifa eitthvað um það að þetta væri ekki ég.  Ég sæti heima, alveg edrú og tiltölulega heill á geði.  En svo snérist mér hugur því að það er frekar ósmekklegt að gera grín sem byggist á eymd annarra.  Samt hef ég oft verið duglegur við það.  Og kannski leyft mér það því að í mínu lífi hafa jú komið djúpir dalir sem ég hef ferðast ljóslaus í gegnum.  En maður á að hafa aðgát í nærveru sála.  Og svo veit maður aldrei hvenær einhver sem er manni eða hefur verið manni náinn fer sér að voða undir áhrifum eða í hreinni og beinni örvæntingu.  Þess vegna ætla ég að leyfa þessari bloggfærslu að standa.  sem vitnisburð um það að í fljótfærni minni var ég næstum farinn að gera grín af ógæfu annarra. Og til þess að minna fólk sem er bara heima í rólegheitunum að lesa blogg eða vafra á vefnum og rekst á þessa færslu mína, að flest höfum við það rosalega gott.  En ekki allir.  Það líður engum vel sem klifrar upp á þak og þarf aðstoð lögreglu til þess að nást niður.  Og ég vona að það verði þeir sem það gera en ekki þyngdaraflið. 

Viðbúnaður vegna manns uppi á þaki

Athugasemdir

[Guðbjörg Erlingsdóttir (IP-tala skráð) 9.4.2008 kl. 21:47]

Satt er það, ég hef það allavega fínt þrátt fyrir regluleg sjálfsvorkunarköst. Það er saga á bak við það að standa á þaki í annarlegu ástandi. Þekkti einu sinni mann á þaki, hann fór fram af.

[Kreppumaður, 9.4.2008 kl. 22:03]

Já, sumir kjósa það.  En það krefst oft meiri hugrekkis að fara ekki fram af en að taka skrefið út í tómið.

[Heiða B. Heiðars, 9.4.2008 kl. 22:18]

Svona ertu þá....inn við beinið;)

[Ragga (IP-tala skráð) 9.4.2008 kl. 22:26]

Yves Klein fór flottur ofan af þaki.

[Kreppumaður, 9.4.2008 kl. 22:42]

Ég er illmenni Heiða, inn veið beinið og það er ekkert mjög langt í beinin hjá mér...

Myndlistamenn, Ragga, hafa nú oft haldið að þeir hafi vængi.  Danska skáldið Michael Strunge fór fram á svölum í amfetamínvímu, fullviss um að á hann gæti flogið.

[Ragga (IP-tala skráð) 9.4.2008 kl. 23:00]

Ég get flogið og talað reiprennandi frönsku í annara manna draumum. Afmetamínið læt ég nágrönnum þínum eftir!

[Kreppumaður, 9.4.2008 kl. 23:10]

Ég hef reyndar talað reiprennandi frönsku í draumum.  Í raunveruleikanum kann ég innan við 20 orð. 

Kannski fljúga nágrannar mínir brátt fram af svölunum, þótt að ég efist um það, þeir eru of uppteknir við að klappa í takt við tónlistina.

[Heiða B. Heiðars, 9.4.2008 kl. 23:20]

Ég meinti nú reyndar góður inn við beinið.... en ef þér líður betur með að láta fólk halda annað þá skal ég kaupa það

[Kreppumaður, 9.4.2008 kl. 23:45]

Fólk er bara hugtak.  Og meira að segja hugtak sem ég skil mjög illa. 

[Gunnhildur Ólafsdóttir, 10.4.2008 kl. 01:14]

Þetta kallar maður crying for help - vona að greyið maðurinn fái þá hjálp sem hann þarf því eins og þú segir þá líður þeim manni sem þarna stendur ekki vel. En hins vegar tel ég að þeir sem ætla sér yfir höfuð að stökkva - þeir stökkva.

Alltaf gott að hafa húmor - bara þekkja mörkin

[Kreppumaður, 10.4.2008 kl. 15:17]

Ég er sammála því, þeir sem ætla að fara, þeir fara og eru ekki að gaufa það lengi uppi á þaki að það komist á netið.

[gerður rósa gunnarsdóttir, 10.4.2008 kl. 17:30]

þar fórstu alveg meðða :)

[Kreppumaður, 10.4.2008 kl. 17:52]

Nú hvernig?

[gerður rósa gunnarsdóttir, 10.4.2008 kl. 19:19]

;)

[Kreppumaður, 10.4.2008 kl. 19:22]

Þetta hjálpar mér til þess að sjá samhengið í tilverunni, Gerður!

[Kreppumaður, 11.4.2008 kl. 21:07]

Ég var nú að frétta að stúlka sem ég eitt sinn þekkti hafi farið á svipaðan hátt um daginn.  Fólk er alltaf að velja sér þessa leið.  Því miður.