Kerrustrákurinn ég

Búinn að fara út og skokka og kaupa í hádegismatinn fyrir okkur feðga.  Er samt frekar svefnlaus eftir djamm á þeim í neðra fram undir morgunn.  Hefði alveg eins getað farið sjálfur og drukkið mig á hvolf.  Nema að þá væri ég kannski smá timbraður?  Ætla jafnvel að vísitera ættingja ef vel liggur á mér seinni partinn. 

Dreymdi í nótt að ég væri kerrustrákur í Bónus.  Yfirmaður minn var andlega fatlaður og sagði oft við mig:  við gerum úr þér góðan kerrustrák en það mun taka tíma, hrissti svo hausinn yfir kunnáttuleysi mínu við að raða kerrum og gekk hægt í burtu.  Ég fann að ég átti ekki framtíðina fyrir mér í því starfi.  Vaknaði upp við teknótakt.  Held að þessi taktur forheimski drauma mína sem og vökulíf. 

Athugasemdir

[Guðbjörg Erlingsdóttir (IP-tala skráð) 13.4.2008 kl. 12:28]

hmm.. kerrustrákur í Bónus með andlega fatlaðan yfirmann, klárlega að fara að skipta um starf og með frammistöðukvíða!

Vá, búinn að fara út að skokka og ætlar að vísitera. Nú get ég ekki legið í rúminu lengur, fer og skokka!

kveðja

[Kreppumaður, 13.4.2008 kl. 12:57]

Það er snjókoma úti.  En samt hressandi skokkveður. 

Mikill frammistöðukvíði á öllum sviðum, er eins og unglingsdrengur á fyrsta stefnumóti, daglega.

[zazou (IP-tala skráð) 13.4.2008 kl. 13:42]

Eitrað hint á grannana og möguleg störf sem þeir gætu innt af hendi.