Kreppublogg

25.4.2008 | 21:54

Nú skal blásið til uppreisnar!

Þá stórkostlegu kvikmynd beitiskipið Potemkin sá ég fyrst einn þynnkulegan Laugadag í gamla MÍR-salnum sem ég man nú ekki alveg hvar varsökum þess að ég var með dökkgleraugu til þess að verjast sólarljósinu þegar ég slagaði þangað inn með báðum bestu vinum mínum þá. Loksins gátum við séð þetta meistaraverk Sergei Eisenstein. Sem gerist í uppreisn Svartahafsflota Rússa 1905. Og biðum við sérstaklega spenntir eftir því að sjá hið fræga atriði í tröppunum í Oddessa sem Brian De Palma notfærði sér svo síðar í the Untouchables, þótt að það sé ekki jafn áhrifa mikið (enda ekki sami snillingur í notkun myndmáls og Eisenstein. Enda til dæmsi atriðið í tröppunum eitt það ljóðrænasta og fegursta í kvikmyndasögunni. En það var samt ekki það besta við myndina, heldur samtölin eða öllu heldur setningarnar sem birtust á milli atriða. Þær voru oftast á þessa leið: Til vopna félagar! Bræður og systur stöndum saman! Til vopnabúrsins! Til smiðjunnar! Til myllunnar! Og á undan og eftir þessum texta var yfirleitt einhver standandi upp á stól eða tunnu að hvetja meðbræður sína til dáða og svo eftir textaspjaldið - múgurinn að hlaupa í átt að vopnabúrinu. Eftir myndina fengum við ókeypis vodka og rúgbrauð. Því gengum við brattari út en við komum. Síðan hef ég oft átt góðar stundir með Eisenstein. Og líka vodka og rúgbrauði. Og fyrst að Stöð 2 hefur ekki sýnt samstöðu með bílstjórum og sýnt Beitiskipið Potemkin til þess að æsa uppí þeim byltingar andann (sem mundi færa þeim æsandi fréttir í margar vikur) ætla ég að slá nokkrar flugur í einu höggi núna. Birta myndskeiðsbút úr þessari frábæru mynd en undir er lag sem er vinkonu minni kært en hún hefur mátt þola það undanfarna daga að ég staðfastlega neita að hitta hana af ótta við að smita hana af einhverjum af þeim sjúkdómum sem við sjóliðar í Svartahafsflota Rússa 1905 vorum með. Sýfilis og berklar.

Flokkur: Bloggar | Breytt s.d. kl. 23:12 | Facebook

Athugasemdir

Fróðlegt að heyra af þessari mynd - kannski verður hún þeim ákveðinn innblástur! Einnig til lukku með batann - sem að mér sýnist virðist vera í návígi... ?

Gunnhildur Ólafsdóttir, 25.4.2008 kl. 22:15

Veit ekki hvar maður fær myndir Eisensteins nema að kaupa þær af amazon? Mér hlýtur að vera batnað fyrst ég get bloggað meira en tvö orð í einu.

Kreppumaður, 25.4.2008 kl. 22:34

Baneitruð bíómynd. Sá hana sjálfur fyrir margt löngu. Áður en mínir barnavagnar rúlluðu niður tröppurnar. Kannski nærðu í hana á videóleigu á Dalbraut? Ég er ekki viss.

Bergur Thorberg, 25.4.2008 kl. 23:39

Já kannski þar. Sá hana síðast fyrir 17 árum, þá í síðara skiptið en þessi bútur sýnir manni hvað Eisenstein var ofboðslega flottur myndlistamaður. Alexander Nevsky finnst mér líka mjög góð.

Kreppumaður, 25.4.2008 kl. 23:45

Eisenstein? Já, mjög myndrænn. (Og myndvænn).

Bergur Thorberg, 26.4.2008 kl. 00:31

myndarlegur eins og sjá má hér:

http://en.wikipedia.org/wiki/Image:Sergei_Eisenstein_portrait1.jpg

Og minnir á síðari tíma menn eins og Tim Burton, Robert Smithe, Johnny Depp, hvað hárstíl varðar, að ógleymdum Reidbræðrum blessuð sé heróínhjúpuð minning þeirra....

Kreppumaður, 26.4.2008 kl. 02:53

Ég væri með svona hárgreiðslu væri ég karlmaður!

Ragga (IP-tala skráð) 26.4.2008 kl. 18:16

Því skal ég trúa! Enda svona greiðslur tákn sérvisku og þess að fara eiginleiðir.

Kreppumaður, 26.4.2008 kl. 19:32

Ég sá þessa mynd fyrir tveim árum í ansi skemmtilegu setupi.

14.000 manna útibíó í Wallsend skipasmíðastöðinni í Newcastle. Þar höfðu Pet Shop Boys tekið sig til og samið tónlist fyrir myndina og nutu stuðnings Northern Sinfonia Orchestra við flutninginn.

Eisenstein hafði sjálfur talað um að svo myndin héldist fersk þá ætti að endursemja tónlistina á 10 ára fresti.

zazou (IP-tala skráð) 27.4.2008 kl. 16:32

Trúi því að það hafi verið skemmtileg upplifun og eflaust rétt hjá Eisenstein að hver kynslóð þarf að uppgötva myndina undir tónlist frá sinnar kynslóðar ,,hetjum"!

Kreppumaður, 27.4.2008 kl. 21:48

Þegar ég sótti rússneskunámskeið hjá MÍR í denn, voru þeir staðsettir á Vatnsstígnum. Ég man líka að kennarinn hét Rúslan Smirnoff, enda slíkt nafn auðmunað.