Bloggheimur ærist

Það er alltaf jafn fróðlegt að sjá hvað bloggheimur verður alltaf yfirvegaður þegar fréttir af meintum barnaníðingum rata á forsíðu mbl.is.  Tjúllast þá flestir og heimta blóð og helst meira en í líkama hins seka leynist.  Verður reiði og hefndarþorsti sumra bloggar svo mikill að fara þarf aftur til daga rannsóknarréttarins til þess að sjá fólk jafn sannfært um að þeir seku skulu brenndir lifandi að undan gengnum aflimunum, helst í augsýn almennings.  Nú ætla ég ekki að reyna að réttlæta gerðir herra Fritzl, frásögnin af misnotkun hans með þeim ljótari sem maður hefur lesið um en ég skil ekki hvers vegna eitthvað lið uppi á hinu kalda Íslandi þarf að heimta líf þessara ellilífeyrisþega?  Hversvegna á óréttlæti að vera refsað með frekari óréttlæti?  Og hversvegna er fólki svona í mun um að kynferðisafbrotamönnum sé hengt með kvöl, pínu og dauða?  En það viðhorf birtist alltof oft í skrifum bloggara.  Þar sem dauðarefsingar eru við líði eins og í mörgum Bandaríkjum Norður-Ameríku, hefur það fyrir löngu sýnt sig að þær hafa ekki neinn fælingarmátt frá glæpum og þeir sem fremja glæpi eiga sjaldnast von á því að vera dæmdir fyrir þá, hvað þá til dauða.  Og furða sig yfirleitt manna mest á því þegar þeir eru leiddir síðasta spölinn í þessu lífi.  Þannig að hækkun á refsingum, jafnvel aftökur á miðju Lækjatorginu (sem mundu gleðja blóðþyrstustu bloggarana) hafa ekkert að segja um það hvort að barnaníðum mundi fjölga eða fækka.  Það eina sem mundi gerast er að slefandi fífl og fábjánar mundu stöku sinnum safnast saman opinberlega og garga af hrifningu þegar hausar færu að rúlla.  En það var löngum helsta skemmtun moldarétandi almúgans, bæði hérlendis sem og annarstaðar, á miðöldum að klappa yfir velframkvæmdri dauðarefsingu.  Og það verður að teljast helvíti magnað að það sé ennþá til fólk sem finnst að auga fyrir auga, tönn fyrir tönn eigi að gilda sem almennt réttlæti.  Það sama fólk vill væntanlega þá að konur sem geta ekki feðrað börn sín séu drekkt.  Að þeir sem stela snærisbút missi framan af fingri og séu brennimerktir, þeir sem ekki borga skattinn sinn skulu dæmdir til þess að þræla í tíu ár upp á vatn og brauð uns skuldin er greidd, að sá sem mætir ekki til vinnu skulu hýddur í votta viðvist tuttugu svipuhöggum...  Eða eru það bara barnaníðingar sem eiga að hljóta miðaldarrefsingu?     

Hótaði börnum sínum dauða í kjallaranum

Athugasemdir

[Kreppumaður, 29.4.2008 kl. 23:26]

Ég hef unnið bæði með þolendum og svo gerendum í þessum málum og þetta eru allt fólk.  En þið - sem eruð refsiglöðust heimtið blóð fyrir blóð og farið einmitt þannig niður á planið með þessu smámennum.  Og haldið að dómskerfið verndi ykkur ekki, en það gerir það, því að annars væru þolendur fleiri.  En þið viljið helst sjá alla barnaníðinga hengda, sem sýnir hvað fólk getur orðið skemmt af umræðunni.  Ertu bættari þótt að sá sem braut á þér sé drepinn?

[Margrét Þórðardóttir (IP-tala skráð) 30.4.2008 kl. 00:10]

Það sem mér finnst áhugavert....sér einhver smá samanburði við þetta mál og málið sem var sagt frá "Myndir af Pabba" ? (man ekki alveg hvað bókin hét)

Ekki var mikið gert til að bjarga systrunum þar....og það var hérna á Íslandi....

[Kreppumaður, 30.4.2008 kl. 20:35]

Auðvelt að skella fólki í flokka og líka auðvelta að vera bæði málefnalegur og ómálefnalegur þegar rætt er um svona viðkvæma hluti.  Kannski út af þessu sem ég er á leiðinni  ,,út".  Maður fær upp í kok af öllu og öllum eftir ákveðinn tíma.