Ég er hættur að vera til

Magnað að það skuli sjást í heiðan himinn og sól þegar ég er að fara héðan.  Ef ég mundi trúa á tilviljanir eða himnesk tákn, mundi ég halda á regnið og þokan færu á undan mér til þess að vara óviðbúna við komu minni.  En ég trúi ekki á neitt slíkt, ég trúi ekki á það að ég sé öðrum til óheilla.

Hlakka til þess að halda af stað á morgunn,þótt að ég hafi svo sem ekki grun um hvert ég fer.  Enda skiptir það svo sem ekki neinu.  Aðal atriðið er að vera á ferðinni.

Furðulegt samt hvað fólk er hætt að senda mér maila, hringja í mig og allt það sem tilheyrir því að búa í borg og eiga vini og fjölskyldu.  Núna hringir síminn í mestalagi einu sinni á dag!  Mailboxið yfirleitt tómt, fyrir utan það að háskólinn sendir mér af eldgömlum vana einhver funda og ráðstefnuboð.  Sem auðvitað fara öll í ruslatunnuna.

Það er eins og maður hætti að vera til, hætti að skipta máli ef maður heldur út á land og er þar í einhvern tíma.

 

 

Athugasemdir

[Bergur Thorberg, 13.7.2008 kl. 22:38]

Það þýðir ekkert að væla við okkur sem ekki erum með meilið þitt og þaðan af síður símanúmerið og myndum ekki þekkja þig, þó við myndum detta um þig í miðborginni. En ef eitthvað af þessu væri til staðar, myndum við ekki skilja þig eftir kveðjulausan í kulda og trekki og blindaþoku. Góða ferð til somewhere. Þú ert örugglega engum til óheilla. kv.

[Kreppumaður, 13.7.2008 kl. 22:48]

Það er rétt Bergur, ég er algjörlega ósýnilegur og fullt af fólki hefur eflaust hnotið um mig án þess að vita hver ég er, þegar ég hef lagt mig í hin og þessi skúmaskot við Bargötuna miklu í Rvk.  Enda var ég svo sem ekki að kvarta yfir ykkur sem styðjið mig til góðra verka á hverjum degi.

[Guðbjörg Erlingsdóttir (IP-tala skráð) 13.7.2008 kl. 23:17]

Já kallinn minn, gleymdur ertu!

En spáðu samt í hvað það verður þá gott að koma aftur og enginn man neitt......... bíður upp á óendanlega möguleika á hönnun atburðarása!

[Kreppumaður, 13.7.2008 kl. 23:34]

Ó hvað það verður ljúft þegar að því kemur að ég verð fænalí í Reykjavík.  Ég verð eins og bóndakurfur í kaupstað í fyrsta sinn á ævinni.  Og eflaust klæddur í eldgamla og gleymda tísku!

[Guðbjörg Erlingsdóttir (IP-tala skráð) 13.7.2008 kl. 23:38]

Nei......ertu ekki alltaf í tísku, algerlega klassískur eða það hélt ég!

Hvar er sjálfsöryggið maður, er þessi kreppa alvarlegri en ég hélt?

[Kreppumaður, 14.7.2008 kl. 00:40]

Sjálfsöryggið var grafið í snjó á fjöllum!