Bónorð

Ung:

 

segjum (29 ára) gömul myndlistarkona bað mín í nótt.

 

En hún hefur fylgt mér í nokkurn tíma; undanfarið...

 

Ég er að hugsa um að taka bónorðinu:

 

Hún er það klár.  Það falleg.  Það dökkhærð.  Það brúneygð.  Það hávaxin. Það kúl.... 

 

(Æji: ég er ekki besti maður til að giftast: 

 

en þegar ég horfi á hana sofa núna:  þá veit ég að engin stúlka er fegurri en hún með augun lokuð, með augun lokuð.  Svo dökk.):

ég ætti að sofa. mig ætti að dreyma...

Ég ætti að snerta hár hennar.  Ég ætti að vakna upp á morgunn með hana í faðminum ...

Æji: ég er Mortensen í bók eftir Heinessen og steypi mér af húsþaki vegna konu!

 

Hún er fegurri en allt sem ég hef áður litið:

 

Ég er sæng hennar, ský og máni í nótt...

 

Í nótt.  

 

Athugasemdir

[Guðbjörg Erlingsdóttir (IP-tala skráð) 19.7.2008 kl. 09:38]

ja hér á alveg að drepa mann svona snemma morguns, gifta þig-gætir gert margt verra! Segðu svo að landsbyggðin hafi ekki góð áhrif á þig!

[Ragga (IP-tala skráð) 19.7.2008 kl. 12:13]

Taktu bónorðinu og til hamingju.

[Kreppumaður, 20.7.2008 kl. 04:21]

Hjónabönd hafa ekki hjálpað mér mikið hingað til (og hún hlær að mér núna) ég vona að þetta verði betra en öll hin.... Eða þannig...

Allt er betra.  Við munum.   Við munum...

[Svanur Gísli Þorkelsson, 20.7.2008 kl. 07:49]

Varúð, mundu eftir þrestinum í kúadellunni eftir að hann hafði etið sig mettan af spægipylsunni.

[Kreppumaður, 22.7.2008 kl. 05:19]

Ég er á kafi í mykju hvort eð er!