Loksins viðurkenning!

Það virðist ekki vera tilviljun að við séum orðinn verri kostur en Kasakstan til þess að fjárfesta hjá.  Bæði ríkin hafa verið undir stjórn eins manns síðan 1991 en hinn mentaði einvaldur Kasaka er Nazarbaev og mun líklega verða ellidauður í embætti.  Gott að vita það að einhver leppalúðalýðveldi í mið-asíu séu að sigla fram úr okkur sem lönd tækifæranna fyrir fjárfesta.  Þetta minnir mig aðeins á stöðu karlalandsliðsins í knattspyrnu, það hefur verið í frjálsu falli á styrkleikalistanum og þykir yfirleitt vera veikara en lönd þar sem ekki fást takkaskór og eini fótboltinn sem fyrir finnst þar er saumaður saman úr nautshúðum, fylltur með sandi.  Ég er farinn að gera mig bitrann og þunglyndan með þessu þusi mínu um efnahagsástand og kreppu á Íslandi.  Ef ég get ekki farið að blogga um eitthvað jákvætt eða uppbyggilegt, fer ég niður á horn og drekk mig fullann!  Eða sleppi því kannski að lesa íslensku vefmiðlana?

Ísland verri kostur en Kasakstan

Athugasemdir

[Guðbjörg Erlingsdóttir (IP-tala skráð) 1.10.2008 kl. 20:55]

Gerðu bara bæði, slepptu lestrinum og drekktu þig fullan. Komdu svo heim og bloggaðu eitthvað uppbyggilegt..........

[Kreppumaður, 1.10.2008 kl. 20:59]

Ég nenni ekki lengur að lesa vefi frá Íslandi eða fylgjast með umræðu þar.  Það er eins og hálf þjóðin sé að fara að hnýta sig upp í snöru.

[Guðbjörg Erlingsdóttir (IP-tala skráð) 1.10.2008 kl. 21:58]

Þetta er í besta falli orðinn eins og lélegur farsi og á hverju augnabliki býst maður við að Laddi eða einhver álíka stökkvi fram og segi: Þið eruð í falinni myndavél :) Aldrei verið skemmtiefni þess háttar þættir, ef þú spyrð mig.

Ég neita nú að hanga í einhverri snöru enda vita þeir sem það vilja að drykkjan og volæðið eykst í svona ástandi, þannig að það er nóg að gera í minni stétt ...verst að ég er hætt :) Ætti þá samt að geta fengið vinnu ef allt fer á versta veg......

[Svanur Gísli Þorkelsson, 1.10.2008 kl. 22:10]

Allt í lagi að bölsótast soldið gamli, bara gott fyrir sálina.

Þú ert fyrst í vandræðum þegar þú ferða að taka þetta alvarlega.

Það versta við vefmiðlanna að þeir eru fullir af hundleiðinlegum (yfirleitt) köllum sem taka þetta alvarlega og reyna að halda streigt fési á meðan.

Góður tími til að skrifa eitthvað once upon a time in a galaxy far far away dæmi.

[Kreppumaður, 1.10.2008 kl. 22:15]

Stekkurðu frá borði á ögurstundu Guðbjörg þegar hálf þjóðin mun þurfa á meðferð að halda?  Sé fyrir mér að útúrtaugaðir bankaforstjórar fari að standa í biðröðum eftir að hafa hellt í sig öllum viskíjólagjöfunum sem þeir gefa hverjum öðrum, innpökkuðum í dollarabúnt!

[Kreppumaður, 1.10.2008 kl. 22:17]

Og best að bölsóttast þegar enginn getur slæmt í mann pirringskrumlu fyrir það sem maður segir...

Já, kannski ég fari að skrifa bók um hóp af dvergum sem slást í för með galdramanni til þess að endurheimta fjársjóð frá dreka?  Það hljómar samt of kunnuglega...

Ég get líka skrifað um mann sem hélt sífullur í langt ferðalang inn í undraveröld þá sem kennd er við hundraðogeinn og snéri þaðan aldrei aftur... 

[Guðbjörg Erlingsdóttir (IP-tala skráð) 2.10.2008 kl. 08:35]

Skrifaðu, skrifaðu, skrifaðu !