Þjóðin er pirruð, hver verndar mig?

Þjóðin er pirruð, það fer ekki á milli mála.  Og á hverjum skildi það bitna?  Ráðamönnum og bankastjórum?  Nei, á mér!  Tveir virtir og vandaðir bloggarar hafa gert atlögu að mér í athugasemdakerfinu mínu og vilja að ég taki mig saman í andlitinu og haldi sem fyrst í áfengismeðferð.  Ég mundi skilja það ef ég hefði stýrt efnahag Íslands fullur að ég þyrfti að gjalda þess á einhvern hátt en ég hef ekki komið nálægt því nema með óbeinum hætti, sem virkur neytandi á ofurtolluðum innflutningsvörum.  Ég sem hélt að ég ætti hrós skilið fyrir að stuðla að því að fé kæmi í ríkiskassann en svo er ekki.  Núna er eflaust verið að fara fram á sjálfræðissviptingu og ég enda á því að vera fluttur í böndum á lokaða geðdeild, svo að með tíð og tíma ég nái tökum á stjórnleysinu.  Ég sem hélt að allur almenningur ætlaði að fara að standa saman og einbeita sér að því að ausa aur yfir stjórnmálamenn og bankablækur, nei þá bitnar pirringurinn á saklausa mér!

Verndum hagsmuni almennings

Athugasemdir

[Jenný Anna Baldursdóttir, 6.10.2008 kl. 21:16]

 Þú skalt í meðferð helvískur og allt þitt fólk. 

Allir edrú frá og með morgundeginum.

Þetta gengur ekki lengur þú súpandi bóhem.

Skammastín.

[Kreppumaður, 6.10.2008 kl. 21:21]

Ég forherðist bara og verð sannfærari um að ég sé á réttri leið með mitt líf.  En eins og ástandið er á Íslandi þá verða þeir sem hafa efni á því að drekka teljandi á fingrum annarrar handar...

[Jenný Anna Baldursdóttir, 6.10.2008 kl. 21:26]

Ókei, ég gefst upp, enda hefur þú rétt fyrir þér, í helvítis kreppunni munu allir drekka hárvatn eða dropa. 

Sjúkkit hvað ég er fegin að hafa farið í meðferð, drakk bara eðalvín.

Ertu utanlands?  Ef svo er þá ertu heppinn.

[Kreppumaður, 6.10.2008 kl. 21:35]

Já, sem betur fer þarf ég ekki að kveljast heima á klakanum.  En þegar evran hækkar um 20 kall á milli drykkja,  (sem fær rauðvíns glasið til þess að fara frá 775 íkr í 875 íkr og drykki maður á sama bara til lokunnar þá yrði glasið sennilega á 2000 kall!) þá fer maður að íhuga hvort ekki sé rétt að grafa allt sitt fé í jörðu?

[Guðbjörg Erlingsdóttir (IP-tala skráð) 6.10.2008 kl. 22:00]

Halló, halló augnablik!Vorum við ekki búina að tala okkur saman um það að þú værir betri aðeins í glasi ha?

Meðferð hvað, nei ekki þú!

[Brynjar Jóhannsson, 6.10.2008 kl. 23:44]

En  ef við snúum þessu yfir í "virka" áfengismeðferð sem verður ekki á vogi heldur á VOGUM  fullum af víni ? Með öðrum orðum að þú heldur áfram þinnni áfengismeðferð á sjálfum þér eins og ekkert hafi í skorist. 

Hljómar það fýsilegra ?

[Kjartan Pétur Sigurðsson, 7.10.2008 kl. 05:34]

Datt nú hér inn af tilviljun. Bloggheimurinn kemur manni sífellt á óvart :)

[Kreppumaður, 7.10.2008 kl. 14:37]

Gott að vita það að fólk vill hafa mig drukkinn...

[Guðbjörg Erlingsdóttir (IP-tala skráð) 7.10.2008 kl. 14:42]

Hafa þig bara eins og þú ert drukkinn eða ódrukkinn!

kveðja

[Kreppumaður, 7.10.2008 kl. 14:53]

Tekur því ekki að fara að breytast úr þessu... er orðinn það fullorðin og lítið eftir.  Sæki um í Seljahlíð en ekki á Vogi.  Skilst að það séu líka styttri biðlistar eftir plássi á gamalmennahælum en í meðferð...