Lýst er eftir forseta Íslands!

Hvar er sá sem á að sameina þjóðina á sundrungartímum?  Er hann búinn að opna munninn til þess að stappa í okkur stálinu og róa niður?  Eða er hann kannski flúinn úr landi með vinum sínum auðmönnunum?  Ef ég man rétt þá hélt ég að hlutverk hans væri að vera sameiningartákn þjóðarinnar?  Eða er hann kannski nú þegar búinn að sætta sig við það að vera ekkert annað en hreppstjóri í Rússneskum hrepp og er því upptekinn við að láta skraddara sauma á sig viðeigandi þjóðbúning?  Eða er hann kannski alltaf að koma fram og faðma að sér bágstadda en fjölmiðlar greina ekki frá því enda ómerkilegt að skrifa frétt um mann að gegna sínu starfi?  Eða er ég bara svona illa læs að þetta fer allt framhjá mér?  Leiðréttið mig ef svo er, þá bið ég forsetan afsökunar.  Ef ekki, þá mun ég telja að hann sé úti í London að hugga vini sína auðmennina inni á einhverjum fínum billjóneraklúbb!

Athugasemdir

[Brynjar Jóhannsson, 8.10.2008 kl. 21:37]

Núna heitir þessi klúbbur reyndar  mínus FIMM billjóneraklúbburinn

[Kreppumaður, 8.10.2008 kl. 21:47]

Hvar ætli maður sæki um aðild?  Ég hlít að geta komið mér í smá mínus á stuttum tíma...

[Brynjar Jóhannsson, 8.10.2008 kl. 23:44]

Ja... Ef þú villt komast í náumunda við þessa menn í framtíðinni þá legg ég til að þú sækir um vinnu á Kvíabryggju.

[Kreppumaður, 9.10.2008 kl. 01:04]

Sem fangavörður eða fangi?  Ég reyndar nenni ekki að vinna....

[Lárus Gabríel Guðmundsson, 9.10.2008 kl. 08:56]

Forseti Íslands hefur sagt upp störfum og gerðist tryllukarl í Örfyrisey, enda fínn seðill í því...

[Kreppumaður, 9.10.2008 kl. 17:47]

Fylgjum fordæmi hans og stundum sjálfsþurftarbúskap...