Faldi sig fyrir hryðjuverkamönnum

Auðvitað fór þessi Breti í felur.  Hann hefur sé það í fjölmiðlum að í stað þess að vera í heimsókn hjá friðelskandi þjóð, væri hann mættur í eitthvað hryðjuverkahreiður, þar sem allir væru að plotta aðför að löndum hans.  Svo skiljanlega hefur hann ekki viljað láta mikið á sér bera.  Enda Bretahatur orðið svo magnað á Íslandi að ég er ennþá undrandi á því að enginn hafi brennt sendiráð þeirra á meðan ég svaf?  Kannski fólk brenni það í dag?  Man nú eftir einhverjum heimskingjum sem hentu flösku fullri af bensíni í Bandarískasendiráðið bara af því að þeim fannst það eitthvað svo svalt að hatast út í Kana, nú ættu þeir að skvetta bensíni á það Breska.  Ég efast um að þeir fengju fyrir það dóm.  Enda búið að stimpla okkur öll hryðjuverkamenn og fólk gæti því farið að lifa sig inn í það hlutverk.

Bretinn kominn fram

Athugasemdir

[H G, 11.10.2008 kl. 14:52]

Stilltu þig, gæðingur! Það er raunverulega til fólk sem tekur svona hálfkæringsgrín sem alvöru. Tekur jafnvel mark á'ðér     Ég held þig langi varla til að hafa sprengjuuppátæki e-rs 1/2-vita á samviskunni. Haltu samt endilega áfram að spjalla um landsins 'gagn og nauðsynjar'.

[Kreppumaður, 11.10.2008 kl. 14:59]

Ég er stilltur.  En ég á von á því að fólk sé nú ekki alveg forheimskt, þótt að maður viti aldrei með alla?

[H G, 11.10.2008 kl. 15:09]

Kreppumaður!  Visssulega er til fólk með viti - svona innanum -  Breytir ekki því að einhver allra hinna gæti farið að ábendingum þínum. Nóg um það - og rétt að hættan er ekki mikil !

[Kreppumaður, 11.10.2008 kl. 15:22]

Við skulum vona að þeir vertsgefnu og áhrifagjörnustu séu einhverstaðar að taka myndbönd af sér að hlaða byssur en ekki að lesa blogg...