Reyni að hætta krepputali

Verðandi frú Kreppa er búin að segja mér að fara út að ganga.  Niður á næsta bar og fá mér bjór eða eitthvað því að það valdi mér taugaveiklun og hárleysi að hanga yfir tölvunni og bölvuðu efnahagsástandinu á Íslandi.  Ef það væri ekki rigning þá mundi ég hendast niður á bar en í þessum dumbungi nenni ég því ómögulega.  Þessi ský eru myrkari en óveðursskýin yfir Íslandi...  Þar byrjaði ég aftur.  Á því að bölva ástandinu á Íslandi.  Ég sem ætlaði að reyna að sleppa því...  En það er svo erfitt.  Allar fréttir, sms, mailar fjalla bara um eitt og það sama - allt er að fara til fjandans.  Best að ég skjótist út og kaupi í kvöldmatinn.  Ég ætla að dunda mér við það í dag að elda margréttamáltíð og drekka gott vín og hlusta á tónlist og reyna að vera orðinn hífaður þegar ég fæ fréttirnar af því að Ísland hafi verið tekið upp í skuldir og sé eign prinsins af Borneó.  Hann á víst ennþá slatta af aur.

Athugasemdir

[Ragga (IP-tala skráð) 10.10.2008 kl. 15:01]

Þú ættir að hlíða henni, þetta er gott ráð.

Ég nenni ekki þessum fréttum og mig langar í bjór.

[Kreppumaður, 10.10.2008 kl. 15:06]

Ég held að það sé gott að vera listamaður í þessari kreppu.  Þeir eru hvort eða er vanir því að vera blankir.  Fæ mér bjór þér til samlætis áður en ég versla...

[Ragga (IP-tala skráð) 10.10.2008 kl. 15:13]

Nákvæmlega!

Ég þarf bara að drattast til að kaupa mér bjórinn og ég er löt.

[Kreppumaður, 10.10.2008 kl. 15:22]

Best að spara alla orku í kreppunni og gera sem minnst.  Ég er hættur að hugsa.

[Ragga (IP-tala skráð) 10.10.2008 kl. 15:44]

Ég þarf að mála, það er það eina sem ég ætla að gera.

[Kreppumaður, 10.10.2008 kl. 16:28]

Kominn heim.  Nú þarf ég bara að elda...

[Ragga (IP-tala skráð) 10.10.2008 kl. 16:50]

Ég mála bara, bjórlaus. Þvílíka ástandið.

Verði þér að góðu.

[Kreppumaður, 10.10.2008 kl. 18:37]

Vond að hafa ekki bjór með málverkinu, en ég veit það að ónefndur listamaður sem er skyldur mér komst oft í annarlegt ástand við að sniffa leysiefnin... Þó að það sé eflaust ekki til eftirbreytni.

[Ragga (IP-tala skráð) 10.10.2008 kl. 19:42]

Jaaaaá, held ég sé ekki alveg svo illa stödd.

[Kreppumaður, 10.10.2008 kl. 21:01]

Sem betur fer ekki.  Þá þyrftirðu annars af fara að hanga á aa-fundum...