Píslarganga þjóðar og hefnd

Nú hefur Íslenskuþjóðin setið í myrkri dýflissu og mátað höfuðið á höggstokknum, sér til gamans eins og Jón Hreggviðsson gerði er hann átti von á því að höfuðið yrðir skilið frá bolnum.  En karlinn lifði það ekki bara að verða allra karla elstur, heldur líka að koma ár sinni vel fyrir borð.  Það er það sem Íslendingar eiga að gera núna.  Halda í sína löngu píslargöngu, þar sem við kunnum að þurfa að þola meiri tukthúsvist, högg, spörk og hráka, eins og áðurnefndur Jón en snú svo til baka til þess að fá uppreisn æru í formi enn stærri og öflugri banka.  Banka sem í fyllingu tímans munu kaupa allt sem til sölu er í Bretlandi, líka atkvæði almúgans.  Þá getum við sett af menn eins og Brown og látið taka niður öll opinber málverk af honum, stroka valdatímabil hans útúr sögubókum, banna nafnið Brown, grafa upp lík hans (ef hann verður dauður) og vindþurrka það og selja sem skreið og í raun og veru niðurlægja Breta á sem flestan hátt.  Það sem við höfum verið að gera Dönum undanfarið (með því að riðlast á hagkerfi þeirra og heimamarkaði) er bara æfing.  Yfirtaka okkar á Bretlandi hlýtur að vera lokatakmarkið.   Þá geta þeir sungið:  ,, god save the Icelandic banks..."

Brown gekk allt of langt

Athugasemdir

[Líney, 10.10.2008 kl. 17:16]

Upp með húmorinn

[Kreppumaður, 10.10.2008 kl. 18:36]

Ertu að segja að ég sé ekkert fyndinn!

[Guðbjörg Erlingsdóttir (IP-tala skráð) 10.10.2008 kl. 18:40]

þú ert fyndinn..........það þýðir ekkert að fara að efast um eigið ágæti á ögurstundu!

[Kreppumaður, 10.10.2008 kl. 19:15]

Ég hef aldrei efast um eigið ágæti.  Bara allir aðrir.

[Guðbjörg Erlingsdóttir (IP-tala skráð) 10.10.2008 kl. 19:27]

Ætlaði að fara að segja það, sá eini sem er með bólgnara sjálfsmat en ég!

[Kreppumaður, 10.10.2008 kl. 21:01]

Það er af því að ég er alltaf fullur og sé ekki sannleikann....

[Guðbjörg Erlingsdóttir (IP-tala skráð) 10.10.2008 kl. 21:46]

já já ég held að þú sért ekkert alltaf fullur, skýlir þér bara á bak við það!

[Kreppumaður, 11.10.2008 kl. 00:30]

Það hefur runnið af mér á mánudögum.  Og jafnvel þriðjudögum líka...

[Guðmundur G. Hreiðarsson (IP-tala skráð) 12.10.2008 kl. 17:12]

Steina: "Heldur er nú tekið að saxast á limina hans Björns míns!" Bjössi: "Einn er þó eftir, og væri hann betur af, kerling!"

[Kreppumaður, 12.10.2008 kl. 17:39]

Ég mundi taka undir þetta Guðmundur, ef ég væri sá amlóði Karl Bretaprins...