I hate Iceland

Ef leitar orðin tvö hate og Iceland eru sett inn á google.com, koma upp 1.980.000 síður.  Sem þýðir að rúmlega sex síður fullar af hatri í garð þessarar þjóðar eða einstaklinga frá henni, á hvert mannsbarn.  Það er talsvert mikið hatur á hendur svo fáum.  Maður getur eiginlega talað um tískubylgju.  Hvað er ,,inn" í dag - að hata Íslendinga.  Ef þetta heldur svona áfram verðum við komin á lista yfir tegund í útrýmingarhættu...

Þó verður sá varnagli að vera sleginn að þegar maður notar tvö leitarorð á google koma upp talsvert fleiri möguleikar en ella og hate og Iceland ekki endilega í samhengi.  Sé hinsvegar slegið inn I hate Iceland, fækkar síðunum niður í aðeins 440.000.  Mér léttir stórlega við það.  

Athugasemdir

[Kreppumaður, 12.10.2008 kl. 14:41]

Miðað við okkar frægu ,,höfðatölu" þá yrðu síðurnar (ef við værum jafn fjölmenn og USA-búar og heimskulegri stærðfræði beitt) 7,950.000.000...   Við erum mest og best og stærst í öllu, líka að láta hata okkur!

[Guðmundur G. Hreiðarsson (IP-tala skráð) 12.10.2008 kl. 16:42]

Nú verðum við að taka fram vogarskálarnar, og leggja á aðra skálina hatur í okkar garð, og á hina 12 faldar árstekjur þjóðarinnar (eins og ástatt er í dag). Þjóðverjar eru búnir að vera hataðir síðan 1914, og virðast hafa lifað það af. Það tekur okkur minnst 30 ár að standa við þessar skuldbindingar úr spilakössum erlendis, þ.e. ef heimstyrjöld "bjargar" okkur ekki enn einn ganginn, hm.

[Kreppumaður, 12.10.2008 kl. 17:36]

Kannski Þjóðverjar og við getum gert aumingjabandalag hataðra utangarðsmanna?