Brúðarkjóll elskan mín!

Ég hefði betur náð mér í Ingibjörgu.  Þar fer sko mikill kvenkostur og svo hæfileikarík að hún getur hannað allskonar fína fylgihluti á sig og bónda sinn.  Annað en verðandi frú Kreppa sem þrátt fyrir alla sínu fínu fatahönnuðarmenntun hefur ekki teiknað á mig ein jakkaföt.  Ekki svo mikið sem sokkapar.  Það eina sem henni dettur í hug, þessari elsku, eru trilljónir af brúðarkjólum.  Og ekki ætla ég að fara að valsa í þeim um götur og torg.  Nú er ég farinn í fýlu sem á að endast langt fram á nótt nema að þetta nöldur mitt hér á alþjóðarvettvangi verði til þess að hún kroti upp eins og einum jakkafötum á mig.  Ég vil þá hafa þau blá elskan! 

Ingibjörg hannaði lystisnekkjuna 101

Athugasemdir

[Piper (IP-tala skráð) 16.10.2008 kl. 21:24]

Hún er reyndar innanhúsarkitekt, en ekki fatahönnuður.

[Kreppumaður, 16.10.2008 kl. 22:01]

Rosalega skrifa ég óskiljanlega, ég átti við kvenkostinn minn - hún er fatahönnuður og reyndar kunningjakona Ingibjargar en best að fara með svoleiðis upplýsingar eins og ef maður væri að hylma yfir með morðingja...