Ég borga ekki heldur neitt

Ef Geir mætti ráða mundi hann ekki borga Bretum neitt.  Þar fékk hann plús í kladdann hjá mér og ég ætla að fylgja fordæmi hans og neita að borga yfirdráttaheimildina mína hjá Kaupþing eða hvað sá banki heitir.  Og nú bölva ég því að vera búinn með námslánin, því að ég hefði ekki borgað þau.  Ég ætla aldrei oftar að borga neina reikninga.  Ég get ekki borið ábyrgð á eyðslu minni og nenni því ekki.  Það er hvort eð er búið að stimpla mig óreiðumann og drepa mannorð mitt í útlöndum svo það er best að reyna að hagnast eitthvað örlítið á því.  Svona sem sjálfteknar skaðabætur.  Djöfull er vont að ég skuldi svona lítið!

Við munum ekki láta kúga okkur

Athugasemdir

[arnar (IP-tala skráð) 22.10.2008 kl. 21:42]

Þú mátt alveg taka við mínum lánum ef þú hefur áhuga :)
en þetta er samt góð afstaða...

ég get ekki borið ábyrgð á minni eyðlu haha

[Kreppumaður, 22.10.2008 kl. 21:53]

Lán eru núna gróði ef þú hefur hugarfar mitt og Geirs.

[Vésteinn Valgarðsson, 23.10.2008 kl. 03:13]

Mér finnst nú bara fáránlegt að íslenska þjóðin fái reikninginn fyrir áhættu fjárglæframanna erlendis, hvað sem einhverjum lagavafningum líður.

[Kreppumaður, 23.10.2008 kl. 15:27]

Auðvitað eigum ég og þú ekki að fá hærri skatta eða einhvern bakreikning fyrir sukk annarra.  Ef ég drekk mig fullann á bar, þá borgar það enginn nema ég enda annað ósanngjarnt.  Ekki fer ég að segja Vésteinn kemur eftir mánuð og þú getur rukkað hann?

[Vésteinn Valgarðsson, 24.10.2008 kl. 05:18]

Það ætla ég rétt að vona að þú gerir ekki!