RíkisCode

Kári á við:  allt er farið til helvítis (eins og allir vissu) og við þurfum að fara með reksturinn í bílskúr á Háaleitisbraut.  Þar mun ég verða eins og Georg Gírlausi að búa til drasl sem illa virkar.  Og hvað ætli öllum þeim þúsundum sem keyptu hlutabréf í fyrirtækinu þegar það var óskabörn þjóðarinnar, finnist um það?  Allt mjög gott því að nú þarf bara að standa straum af tveimur launuðum mönnum, Kára og aðstoðarmanni hans sem er mállaus og með höfuð sem er ljósapera.

Minna og grennra deCODE

Blokkann...

Fyrst ekki gengur að klaga Brúnan þá er bara eitt eftir fyrir Geir í stöðunni - að blokka hann á msn!  Því að þegar þjóðir heimsins átta sig á því að Íslendingar séu heilög þjóð, næst á eftir Gyðingum og að aðförin að okkur er svona mannorðsþjóðarmorð, þá þýðir ekkert fyrir Brown að senda Geir broskalla, hjörtu eða eins og boðið er upp á þessu bloggi - heimskuleg faðmlög.  Við erum ekki vinir Breta og sýnum það best með því að blogga illa um þá!

ESB blandar sér ekki í deilu

Sláturkeppurinn Guðni

Samkvæmt þessari frétt er Samfylkingin að taka slátur eða gera blóðpylsur eins og faðir hans Emils í Kattholti fékk yfir hausinn á sér ef ég man rétt.  Kannski á Geir eftir að fá þennan blóðpott yfir sig.  Ég ætla að vona að hann eigi jakkaföt til vara.  En merkilegt finnst mér þó að sláturkeppurinn Guðni vill halda seðlabankastjórunum þremur.  Ætli tveir þeirra hafi fengið prófskírteinin sín úr bændaskóla eða bara diplómu frá Hriflu?  Þetta lýðræði hugnast mér ekki lengur.  Ég vil að við fáum kóng.  Og ekki Geir, heldur veðsetja okkur Bretum, þá getur Karl orðið prins af Íslandi og hvað það nú heitir þetta skíta fjallahérað sem hann kennir sig við?

Samfylking hrærir í blóði

Hálfvitar landsins

Kreppan ætlar að verða rugludöllum og kjánum ákaflega gjöful.  Nú er hægt að koma úr felum með sérvitur áhugamál og fá þjóðina til þess að taka þátt í þeim.  Eins og tromma kreppuna burt.  Djöfulsins bull.  Brátt verður ekki þverfótað fyrir furðufuglum um allan heim og mergðin svo mikil að maður mun ekki þekkja Helga karlinn úr hópnum nema vegna spjaldsins:  brennum kirkjur.  Þetta sést líka á mér og flestu öðrum bloggurum.  Ekkert nema tómt bull, þus eða svartsýni sem rennur frá þeim eins og jökulfljót í hlaupi.  Hvenær ætlar Geir að banna blogg, bull og vitleysu, svo við verðum ekki ennþá meira aðhlátursefni á meðal siðaðra þjóða?

Trommuhringur á Ingólfstorgi

Ég drep ykkur öll!

Þetta eru stjórnunarhæfileikar að mínu skapi.  Ekki vera með einhver launaviðtöl og hvað þau nú hétu viðtölin sem ég þurfti að taka tvisvar á ári og snérust um vellíðan á vinnustað.  Ég hefði betur bara sagt:  ef þú ert með múður, þá verður þú ekki rekinn, heldur drepinn!  Þá hefði enginn voga sér að biðja um launahækkun.  Svona á að stjórna.  Svona á Geir að koma fram við þjóð sína: ef þið hættið ekki þessu helvítis nöldurbloggi, farið þið öll í gálgann....  Fólk ber virðing fyrir svona mönnum.  Fólk hlýðir og leggur sig fram ef það á það á hættu að tapa því sem ekki verður keypt í Bónus - lífinu.   Ef þið skrifið ekki athugasemd við þessa færslu og verðið sammála mér þá kem ég og drep ykkur öll!

Hótar liðsmönnum dauða ef þeir falla um deild

Súrmeti

Ég hefði frekar líkt Baugi við sláturkeppi sem liggja í súr.  Allaveganna er lyktin af þessu fyrirtæki þannig að maginn í mér fer í hnút, svona eins og hann fór alltaf í uppreisn þegar amma skellti á borð fyrir framan mig velling með fljótandi súrsuðum blóðmörsbitum í.  Reyndar gaf hún mér alltaf aur ef ég kláraði svo ég mátti vel við una.  Og eflaust á einhver eftir að gauka að eigendum Baugs svo sem einum milljarð evra seðli fyrir það eitt að geta pínt ofan í sig súrmetið.  Það er allt á sama Saltarann lært.  Ef þú geymir hlutina nógu lengi og þeir fara að lykta illa, þá mun einhver verðlauna þig fyrir að láta þá hverfa...

Baugseignum líkt við fullan pott af spaghetti

Airwaves og Thor

Ég sakna þess að komast ekki á Airwaves.  Það hefur alltaf verið góð afsökun til þess að vera haugdrukkinn í viku og eltast við ógæfusamt kvenfólk.  En núna er ég fjarri góðu gamni enda skilst mér að hátíðin verði með hálfgerðum (hér hefði átt að standa kreppubrag en ég er búinn að setja orðið kreppa á bannlista svo ég forðast að nota það) nískupúkablæ (ekki gott orð en gagnast) og því kannski ekki eftir svo miklu að slægjast.  Annars er ég að reyna að komast í gegnum höfundarverk Thors Vilhjálmssonar mér til angistar og armmæðu.  Það eina sem hlýst af því er að ég er farinn að ráfa um hérna heima og verðandi frú Kreppa skilur ekki orð af því sem ég tuldra og ég er hræddur um að lesendur verði líka fyrir barðinu á mér síðar, textinn sem á þetta blogg ratar, óskiljanlegur, setningar flóknar og innihaldið allt í módernískri upplausn.  

Rokkað í skugga kreppu

Cool Iceland

Og aftur er Ísland orðið svalt og svalandi.  Og meira að segja forsætisráðherrann er orðinn cool.  Ég ætla að búa mér til stuttermabol með smettinu á Geir framan á og undir því á að standa: cool as ice...  Og svo moka ég þessum bolum út í gámavís.  Allir vilja vera með svalasta forsætisráðherra í heimi, strengdan yfir bumbunni.  Er alveg vissum að Bretar munu ekki ganga í öðru en í bolum með Geir.  Sérstaklega ef ég hef áletrunina öðruvísi fyrir Englandsmarkað:  asshole number #1!

Svalir Íslendingar

Að efast um páfa

Nú græt ég.  Ekkert má nú lengur gera og að hella niðurgambra, það er svona álíka eins og að vera kaþólikki og efast um óskeykulleika páfa.  Ég er skriðinn undir sæng núna.  Svona er heimurinn orðinn:  allir hata okkur Íslendinga og áfengi helt niður.  Ég veit þó að Jenný kætist.  Hún veit að ég verð ekki að Laugarvegi 69 í svaka svalli næstu helgi!  Gæti sem best trúað því að þetta væri að hennar skipun.  Hún gæti hafa ,,skvílað" í lögguna.  Skamm!

1 þúsund lítrum af bruggi hellt niður og tveir handteknir

Jenný sviptir mig sjálfræði

Ég er eins og Ísland.  Þeir sem eru eldri en ég vilja gjarnan hjálpa mér.  Jenný vill koma og færa mig á böndum á vog (sjá þessa umræðu) svo það sé hægt að vigta mig og eflaust mæla.  Sennilega gera á mér höfuðkúpumælingar til þess að sjá hvort ég sé raunverulega heimskur.  Hún ætlar meira að segja að láta svipta mig sjálfræði ef ég verð með múður.  Ég vil samt ekki að ég verði vigtaður eða mældur en ég óttast þessa hjálpsemi.  Eins og ég óttast að ef IMF hjálpar Íslandi þá verðum við svipt fjárræði tímabundið.  Svipta, svipta... það eru slagorðin í dag!

IMF tilbúinn að hjálpa Íslandi