Auðmenn á Klepp

Mikið vorkenni ég nú auðmönnum Íslands.  Eini staðurinn sem vill hýsa þá er Kleppur.  Þangað eru þeir velkomnir, settir í sturtu og í hvít náttfötu og á yfirsetu inn á herbergi, svo þeir fari sér ekki að voða með plastrakvélunum sem liggja út um allt á geðdeildum landsins. 
 
Eða svoleiðis var það alla veganna þegar ég var svo heimskur að halda að ég gæti orðið sálfræðingur og vann meðfram því á geðdeild þar sem langdrukkið ógæfufólk var haldið nauðugu.  Stundum villtust þangað inn einstaka bændur sem voru búnir að drekka sig næstum til dauða, bölvandi því að vera fátækasta og vanmetnasta stétt á landinu.  Núna eru Íslenskir bændur hinir nýju auðmenn Íslands.  Þeir geta slátrað einstaka rollu ef þeir eru svangir, lagt í landa ef þá þyrsti og enginn segir þeim upp.  Og svo eru þeir langt frá þunglyndishjalinu sem mér skilst að ríði núna yfir höfuðborgina.  Þar skýst fólk á milli húsa, niðurlút og grátandi.  

 

 

Ráðgjafarmiðstöð á vegum geðsviðs Landspítala

Faldi sig fyrir hryðjuverkamönnum

Auðvitað fór þessi Breti í felur.  Hann hefur sé það í fjölmiðlum að í stað þess að vera í heimsókn hjá friðelskandi þjóð, væri hann mættur í eitthvað hryðjuverkahreiður, þar sem allir væru að plotta aðför að löndum hans.  Svo skiljanlega hefur hann ekki viljað láta mikið á sér bera.  Enda Bretahatur orðið svo magnað á Íslandi að ég er ennþá undrandi á því að enginn hafi brennt sendiráð þeirra á meðan ég svaf?  Kannski fólk brenni það í dag?  Man nú eftir einhverjum heimskingjum sem hentu flösku fullri af bensíni í Bandarískasendiráðið bara af því að þeim fannst það eitthvað svo svalt að hatast út í Kana, nú ættu þeir að skvetta bensíni á það Breska.  Ég efast um að þeir fengju fyrir það dóm.  Enda búið að stimpla okkur öll hryðjuverkamenn og fólk gæti því farið að lifa sig inn í það hlutverk.

Bretinn kominn fram

Nýr óvinur!

Þegar ég las fyrirsögnina ,,Íhugar að fara að dæmi Breta", ný búinn að lesa fréttir af hruni á Wall street, óttaðist ég að Bush ætlaði að fara að sparka í hræið af Íslandi.  Kennandi okkur um að allt sé komið í klessu þar líka.  Lýsa okkur hryðjuverkamenn og setja hafnarbann á landið.  Jafnvel ganga þar á land með óvígum her.  Áður en við getum sameinast Rússum.  Mér varð svo um að mér svelgdist á víninu og frussaði því svo yfir tölvuna.  Maginn í mér og taugarnar þola ekki meiri ótíðindi og alls ekki það að síðasta heimsveldið ætli að ráðast á okkur.   ég er orðinn of taugaveiklaður til þess að sofa...  

Íhugar að fara að dæmi Breta

Ótíðindi, ótíðindi, ótíðindi...

Las það hér að hugsanlega yrðu fjárráð tekin af Íslenska ríkinu.  Og það lenda á vanskilaskrá.  Svona eins og er að henda þúsundir óábyrga unglinga í landinu sem virðast eða virtust (kannski verður það erfiðara núna) geta fengið endalaust af vísakortum sent heim.  Þótt að ég sé nú ekki sérlega ábyrgur einstaklingur þá er ég ennþá með fjárráð.  Og sjálfræði líka, alla veganna síðast þegar ég tékkaði á því.  En kannski fer það að breytast.  Kannski lendir öll þjóðin á vanskilaskrá í útlöndum.  Og verður innlimuð í Rússland.  Hlakka til þess að vakna í fyrramálið og sjá hvaða ótíðindi hafa gerst á meðan mig dreymdi. 

Ég slít stjórnmálasambandi mínu við Breta

Ef við erum stimplaðir sem hryðjuverkamenn, hversvegna erum við þá að reyna að halda einhverju vitsmunalegu og siðuðu stjórnmálasambandi við helvítis-Breta?  Kalla þá á teppið og skamma eins og óþæga skólastráka, þegar við eigum að veitast að þeim í skjóli myrkurs, stinga og höggva og brenna inni.  Mig minnir að við höfum farið í eina eða tvær þannig aðfarir að Enskum á 16. öld?  Það dugði til þess að halda skítugum krumlum þeirra frá skreiðinni okkar, í bili.  Við eigum að slíta sambandinu og hætta að kaupa eyskarvörur.  Ég ætla að leggja mitt að mörkum.  Ég slít núna formlega stjórnmálasambandi við Breta.  Búinn að drepa í síðustu Benson & Hedges, henda út úr tölvunni allri popptónlist, eyða báðum Bretunum sem ég þekki af msninu og ætla alveg að hætta að horfa á Enska boltann.  Nú verður það sá Ítalski.  Þangað til þeir hætta að koma fram við okkur eins og óbreytta Al-Qaeda-liða... 

Sendiherra kallaður á fund

Downingstræti 10

Í Downingstræti 10 býr höfuðóvinur Íslendinga.  Karlugla sem kallar sig herra Brúnan (sem er örugglega dulnefni) og virðist ekki hafa neitt annað að gera á daginn en að plotta gegn minnstu þjóð í heimi.  (Í stað þess að slást við jafningja sinn).  Þessi karl er reyndar svo góður með sig að hann fer ekki leynt með það hvar hann býr og heldur að einn óvopnaður lögregluþjónn með ljótan hjálm sé næg gæsla.  Nú finnst mér að auðmenn þjóðarinnar ættu að sýna honum að hann hefur rangt fyrir sér og sýna honum um leið hvar Davíð keypti ölið.  Leigja nokkra fótboltabullur frá West Ham (áður en það hverfur úr greypum okkar) og láta þær heimsækja Brúnka, strípa hann og tjarga og fiðri, öðrum óvinum Íslendinga til viðvörunnar.  Fáist enginn í verkið, þá er alltaf hægt að manna langskipið Íslending og sigla því til Lundúna og gera þar strandhögg að fornum sið.  En vonandi endar sú för ekki eins og í Gerplu, að kerlingar vopnaðar ryðguðum breddum og hlandi, sigri víkingahópinn - enn og aftur!

Brown: Viðhorf íslenskra stjórnvalda óviðunandi

Móðuharðindin nýju

Og þegar maður hélt að ástandið gæti ekki versnað (en vinir okkar helvítis-Bretar hjálpuðu til með það) blasir við ótryggt ástand í atvinnulífinu með fjöldauppsögnum og almennri vesöld.  Mér sýnist að ástandið hafi ekki verið svona slæmt síðan í Svartadauða eða Móðuharðindum en þá voru það náttúruhamfarir og pest frá útlöndum (örugglega frá helvítis-Bretum) sem þá lömuðu þjóðina og lögðu hana í gröfina.  Og nú eru það helvítis-Bretar sem vilja okkur feig.  Ég ætla nefnilega að hætta að kenna auðmönnum, bankastjórum og Davíð um ástandið.  Þetta er bara allt ein skipulögð hefndaraðgerð af hálfu helvítis-Breta, til þess að jafna um okkur eftir ótal ósigra í Þorskastríðum.

Óvissa með uppsagnarfrest

Eftirlýst þjóð

Hef það fyrir satt að öll Íslenska þjóðin sé komin inn á vef Bresku leyniþjónustunnar, eftirlýs fyrir að hafa framið hryðjuverk Í Englandi og ráðgera fleiri.  Verðlaun eru í boði fyrir hvern þann sem getur gefið upplýsingar sem leiða til handtöku eða dauða á Íslendingi.  Fer verðlaunaféð eftir þyngd þess sem tekinn er og hversu stóra hluti hann hefur átt í bönkum.  Einnig skilst mér að breyta eigi heimavelli West Ham í fangabúðir fyrir þá Íslendinga sem nást á Englandi og í Evrópu.  Þar verðum við geymdir þangað til varanleg lausn finnst á ,,Íslendingavandanum!"  Síðast þegar Evrópuþjóð leitaði á ,,varanlegri lausn á vanda" var það gegn gráðugum gyðingum og allir vita hvernig það fór...  

Mjög óvinveitt aðgerð

Verða Björgúlfsfeðgar...

... skotnir niður úti á götu ef þeir sjást koma frá West ham leik?  Eða bara pyntaðir í fangelsi?  Núna er mér óglatt.  Sennilega endar íslenska þjóðin í þrælkunarbúðum...

Hryðjuverkalög gegn Landsbanka

Draugagangur

Rétt áðan sat ég í stofunni þegar ég sá eitthvað koma út úr eldhúsinu og hverfa inn ganginn.  Það var ekki verðandi frú Kreppa sem þá sat við hlið mér.  Sennilega draugur.  Kæmi mér ekki á óvart ef það væri sjálfur Machiavelli sem væri að sniglast hérna til þess að lesa yfir öxlina á mér fréttir frá ástandinu á Íslandi.  Kannski ég ætti að biðla til hans um ráð eða láta hann blogga fyrir mig?  Hann hefur örugglega ferska sýn á ástandið?  Merkilegt að ég er ekki orðinn myrkfælinn, þrátt fyrir allt...