Hvern hatarðu mest?

Það væri fróðlegt að vita það hver af milljarðamæringum okkar Íslendinga sé sá óvinsælasti?  Og hvort að þeir séu óvinsælli en Ólafur kóngur, Davíð keisari og Geir strengjabrúða?  Og hvers vegna?  Hvað er það sem fer mest í taugarnar af fólki við þá?  Ég þoli ekki síttaðaftan klippinguna hjá Jóni Á, finnst nefið á Davíð ljótt og hárgreiðsla Ólafs súrrealísk.  Hún haggast aldrei.  Ég var reyndar með mynd af Ólafi og Dorrit í eðlilegri líkamsstærð inni í stofu hjá mér í mörg ár eða alveg þangað til bróðir minn seldi hana fyrir hálfa milljón.  Það er það eina jákvæða við forsetan, bróðir minn hafði efni á rauðvíni í nokkra daga á eftir.  En að vilja fá fólk til þess að gera upp um það hver er óvinsælastur er sennilega eins og að biðja fólk um að kjósa hvor er verri bloggari, ég eða Stefán Fr.?  Allir kostirnir svo svo slæmir.

Ást á milljarðamæringum kulnuð

Athugasemdir

[halkatla, 21.10.2008 kl. 01:29]

Nei þessu tek ég ekki þátt í! Ég vil frekar segja frá hvern þeirra ég elska mest, það er auðvitað Jón Ásgeir sem er efstur og etv einn á þeim lista, einsog síðustu ár. Hárgreiðslan er hans karakter og það fer honum vel - enginn annar gæti verið "næstum flottur" svona! En það er forvitnilegt að heyra hvað aðrir hafa til málsins að leggja...

[Kreppumaður, 21.10.2008 kl. 12:59]

Auðvitað þurftirðu að segja þetta.  Allar stelpur elska Jón, sem betur fer er hann giftur, því að hann er svona karakter sem annars mundi alltaf vera að stinga undan mér...

[Guðmundur G. Hreiðarsson (IP-tala skráð) 21.10.2008 kl. 18:21]

Ég er ekki með óáþekkan hárlubba og Jón, svona þegar þú minnist á það. Ég verð að gera eitthvað í því í hvelli, annars má ég eiga á hættu að vera buffaður í misgripum af Agli "klikk" Wesserbisser , hm.

[Kreppumaður, 21.10.2008 kl. 21:50]

Ekki klippa þig.  Allar stelpurnar munu laðast að þér, þú ert ekki bara með töff hár heldur líka hættulegur risabófi...